Tilda Swinton er nýtt andlit Chanel

Karl Lagerfeld, yfirhönnuður Chanel, hefur valið skosku leikkonuna Tildu Swinton til að verða nýtt andlit fyrir tískuhúsið. Swinton mun þá sitja fyrir í auglýsingaherferð fyrir næstkomandi pre fall línu, en leikkonan hefur vakið mikla athygli í tískuheiminum fyrir fallegt og öðruvísi útlit. Hún leyfir náttúrulegri fegurð sinni að njóta sín og margir hönnuðir hafa hrósað henni í hástert fyrir hversu lítið hún notar förðun og snyrtivörur. Swinton hefur aðeins starfað sem fyrirsæta meðfram leiklistinni, en þetta verður hennar allra stærsta fyrirsætuverkefni til þessa.