Enn ein líkamsárásin

Sönghrottinn Chris Brown er enn í vandræðum, og nú er það vegna árásar á sálarsöngvarann Frank Ocean.

Ocean og Brown lentu í hávaðarifrildi fyrir utan hljóðver í Los Angeles á sunnudag vegna bílastæðis, og enduðu orðaskiptin með því að Brown gaf Ocean einn veglegan á lúðurinn.

Hófust upp frá því slagsmál milli fylgismanna söngvaranna tveggja, sem urðu á endanum til þess að lögregla var kölluð til.

Íhugar Ocean að kæra árásina, en söngvararnir hafa eldað grátt silfur á samfélagsmiðlinum Twitter um nokkurt skeið.