Armstrong segist hafa opnað sig

Heimurinn bíður spenntur eftir viðtali Opruh Winfrey við hjólreiðakappann Lance Armstrong. Viðtalið var tekið á mánudag en verður sýnt á morgun.

Þrátt fyrir trúnað þeirra sem sáu viðtalið hefur ýmislegt spurst út og þar á meðal að Armstrong viðurkenni í fyrsta skipti ólöglega lyfjanotkun.

Einnig hefur spurst út að Armstrong gangi ekki nógu langt í að viðurkenna svindlið.

"Ég skildi allt eftir á borðinu hjá Oprah. Fólk verður svo að taka ákvörðun sjálft um hvað því finnst," sagði Armstrong í smsi til AP-fréttastofunnar.

Viðtalið er tveir og hálfur tími og verður sýnt í tveimur hlutum.