Helga María í sjötta sæti

Helga María Vilhjálmsdóttir hafnaði í sjötta sæti í svigi á FIS-móti í Oppdal í Noregi í morgun. Einar Kristinn Kristgeirsson hafnaði í 14. sæti í karlaflokki. Þetta kemur fram á heimasíðu Skíðasambands Íslands.

Helga María var með fjórða besta tímann í seinni ferð sinni og 0,52 sekúndum á eftir fyrstu konunni. Hún hlaut 36,97 FIS punkta fyrir afrekið sem er hennar besti árangur.

Einar Kristinn hlaut 43,10 FIS punkta sem er nokkuð frá hans besta. Það er þó næstbesti árangur hans á móti á erlendri grundu. Keppni verður framhaldið á morgun.