Ein skemmtilegasta kvikmynd þessa árs 1. nóvember 2012 00:01 Kvikmyndin Pitch Perfect segir frá háskólameynni Becu sem á sér þann draum að flytjast til Los Angeles að námi loknu og gerast upptökustjóri. Stúlkunni leiðist þó námið og sinnir því illa og veldur þetta föður hennar miklum áhyggjum. Hann gerir dóttur sinni tilboð; að sinna náminu og skrá sig í frístundir og í staðinn mun hann styðja hana í flutningunum til Los Angeles. Beca fellst á þetta og ákveður að skrá sig í a capella-sönghópinn The Bellas sem skipaður er skrautlegum hópi stúlkna. Aubrey, einn meðlimur sönghópsins, er gallhörð á því að stúlkurnar haldi sig við sama lagalista og þær hafa notast við árum saman en Beca sannfærir stúlkurnar um að losa sig úr viðjum vanans og feta nýjar og spennandi leiðir í tónlistarsköpun sinni. Það er leikkonan Anna Kendrick sem fer með hlutverk Becu. Kendrick vakti fyrst athygli fyrir hlutverk sitt sem Jessica Stanley í Twilight-kvikmyndunum og síðan þá hefur stjarna hennar risið hratt og örugglega. Leikkonan hóf þó leikferil sinn sem sviðsleikkona og var tólf ára gömul þegar hún kom fyrst fram í hlutverki Dinuh í Broadway-söngleiknum High Socitety árið 1998. Hún var tilnefnd til Tony-verðlaunanna fyrir leik sinn í verkinu. Með önnur hlutverk fara Brittany Snow, Anna Camp og gamanleikkonan Rebel Wilson, sem sló í gegn í með leik sínum í Bridesmaids. Handritið að Pitch Perfect skrifaði Kay Cannon, en hún vann áður sem handritshöfundur gamanþáttanna 30 Rock og er meðframleiðandi sjónvarpsþáttanna New Girl. Leikstjóri myndarinnar, Jason Moore, hóf feril sinn á Broadway þar sem hann leikstýrði Les Misérables sem sýnt var í Imperial-leikhúsinu. Hann hefur einnig leikstýrt nokkrum þáttum af Dawson?s Creek, One Tree Hill og Brothers & Sisters. Pitch Perfect er fyrsta kvikmynd hans í fullri lengd. Kvikmyndin hefur fengið góða dóma og gefur vefsíðan Rottentomatoes.com henni 77 prósent af hundraði. Einn gagnrýnandi segir myndina eina "skrítnustu kvikmynd ársins" en telur hana jafnframt í hópi "skemmtilegustu kvikmynda ársins". Pitch Perfect er byggð á samnefndri bók Mickey Rapkin, ritstjóra tímaritsins GQ. Rapkin fylgdist með a capella-sönghópum Tufts-háskóla, Oregon-háskóla og Háskólanum í Virginíu. Sönghópa sem þessa má finna í fjölda bandarískra háskóla. Rapkin fylgdist með vinnu sönghópanna í eina önn og fjallar bókin meðal annars um þá vinnu sem meðlimir hópanna leggja á sig, aðdáendur þeirra, skemmtanalífið sem fylgir þeim og samkeppnina sem ríkir milli ólíkra sönghópa. Menning Mest lesið Íslensk fyrirsæta slær í gegn á tískupöllum Mílanó Tíska og hönnun Kristrún meðal hundrað rísandi stjarna Time Lífið Herra skepna sló Hafþór utan undir Lífið Ekki er allt gull sem glóir Gagnrýni Kláraði lögfræði meðan hún sat fyrir hjá Dior Tíska og hönnun Leið yfir hana umkringd nöktum konum Lífið Hnetukjúklingurinn hennar Höllu Lífið Djúpt snortinn yfir viðbrögðum samfélagsins Tónlist Aðstoðarþjálfarinn reyndist ekki vera transkona Lífið Hefur engan áhuga á góðlátlegum orðum Watson Lífið Fleiri fréttir Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira
Kvikmyndin Pitch Perfect segir frá háskólameynni Becu sem á sér þann draum að flytjast til Los Angeles að námi loknu og gerast upptökustjóri. Stúlkunni leiðist þó námið og sinnir því illa og veldur þetta föður hennar miklum áhyggjum. Hann gerir dóttur sinni tilboð; að sinna náminu og skrá sig í frístundir og í staðinn mun hann styðja hana í flutningunum til Los Angeles. Beca fellst á þetta og ákveður að skrá sig í a capella-sönghópinn The Bellas sem skipaður er skrautlegum hópi stúlkna. Aubrey, einn meðlimur sönghópsins, er gallhörð á því að stúlkurnar haldi sig við sama lagalista og þær hafa notast við árum saman en Beca sannfærir stúlkurnar um að losa sig úr viðjum vanans og feta nýjar og spennandi leiðir í tónlistarsköpun sinni. Það er leikkonan Anna Kendrick sem fer með hlutverk Becu. Kendrick vakti fyrst athygli fyrir hlutverk sitt sem Jessica Stanley í Twilight-kvikmyndunum og síðan þá hefur stjarna hennar risið hratt og örugglega. Leikkonan hóf þó leikferil sinn sem sviðsleikkona og var tólf ára gömul þegar hún kom fyrst fram í hlutverki Dinuh í Broadway-söngleiknum High Socitety árið 1998. Hún var tilnefnd til Tony-verðlaunanna fyrir leik sinn í verkinu. Með önnur hlutverk fara Brittany Snow, Anna Camp og gamanleikkonan Rebel Wilson, sem sló í gegn í með leik sínum í Bridesmaids. Handritið að Pitch Perfect skrifaði Kay Cannon, en hún vann áður sem handritshöfundur gamanþáttanna 30 Rock og er meðframleiðandi sjónvarpsþáttanna New Girl. Leikstjóri myndarinnar, Jason Moore, hóf feril sinn á Broadway þar sem hann leikstýrði Les Misérables sem sýnt var í Imperial-leikhúsinu. Hann hefur einnig leikstýrt nokkrum þáttum af Dawson?s Creek, One Tree Hill og Brothers & Sisters. Pitch Perfect er fyrsta kvikmynd hans í fullri lengd. Kvikmyndin hefur fengið góða dóma og gefur vefsíðan Rottentomatoes.com henni 77 prósent af hundraði. Einn gagnrýnandi segir myndina eina "skrítnustu kvikmynd ársins" en telur hana jafnframt í hópi "skemmtilegustu kvikmynda ársins". Pitch Perfect er byggð á samnefndri bók Mickey Rapkin, ritstjóra tímaritsins GQ. Rapkin fylgdist með a capella-sönghópum Tufts-háskóla, Oregon-háskóla og Háskólanum í Virginíu. Sönghópa sem þessa má finna í fjölda bandarískra háskóla. Rapkin fylgdist með vinnu sönghópanna í eina önn og fjallar bókin meðal annars um þá vinnu sem meðlimir hópanna leggja á sig, aðdáendur þeirra, skemmtanalífið sem fylgir þeim og samkeppnina sem ríkir milli ólíkra sönghópa.
Menning Mest lesið Íslensk fyrirsæta slær í gegn á tískupöllum Mílanó Tíska og hönnun Kristrún meðal hundrað rísandi stjarna Time Lífið Herra skepna sló Hafþór utan undir Lífið Ekki er allt gull sem glóir Gagnrýni Kláraði lögfræði meðan hún sat fyrir hjá Dior Tíska og hönnun Leið yfir hana umkringd nöktum konum Lífið Hnetukjúklingurinn hennar Höllu Lífið Djúpt snortinn yfir viðbrögðum samfélagsins Tónlist Aðstoðarþjálfarinn reyndist ekki vera transkona Lífið Hefur engan áhuga á góðlátlegum orðum Watson Lífið Fleiri fréttir Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira