Sýnir Leo DiCaprio og Bruce Willis á Akureyri 3. ágúst 2012 15:00 Benni Valsson sýnir myndir af mörgum heimsfrægum listamönnum á fyrstu alvöru sýningu sinni á Íslandi sem opnar í Ketilhúsinu á Akureyri á morgun og stendur til 26. ágúst.Mynd/Þórhallur Jónsson „Ég byrjaði í kringum "98 að mynda fræga listamenn og hef verið mikið við það síðan,“ segir Bernharð Valsson, eða Benni Valsson líkt og flestir þekkja hann. Hann hefur myndað margar stórstjörnur undanfarin fimmtán ár og opnar sína fyrstu alvöru sýningu á Íslandi á morgun í Ketilhúsinu á Akureyri. 57 myndir af leikurum og tónlistarmönnum prýða veggi sýningarinnar og á meðal þeirra eru Leonardo DiCaprio, Naomi Watts, Robbie Williams, Patti Smith og Bruce Willis. Björk er eini íslenski listamaðurinn á sýningunni. „Ég vann mikið með henni eftir útgáfu plötunar Post um 1995 og fór með henni á tónleikaferðalag og við gerðum tískuþátt fyrir franskt tímarit,“ segir Benni sem hefur unnið töluvert með Björk í gegnum tíðina. „Það eiga að vera fjórar myndir af henni en það er ein að fljúga frá París núna. Það er spurning hvort hún lendi fyrir opnunina,“ segir hann hress. Benni hefur myndað mikið fyrir frönsk tímarit og þá aðallega tísku- eða portrettmyndir en hann hefur verið búsettur í París frá 1985. „Ég hef unnið fyrir blöð eins og GQ, franska Elle og dagblöðin Le monde og Liberation,“ segir hann og stiklar á stóru. Margar ljósmyndir sýningarinnar tók hann fyrir franska kvikmynda- og tónlistartímaritið Les inrocks. Þar á meðal af Leonardo Di Caprio, Ben Stiller og Pete Doherty. „Ég hef einnig unnið töluvert fyrir breska Esquire og tók myndir af Daniel Craig og Justin Timberlake fyrir þá,“ segir hann. Hvorug myndanna komust inn á sýninguna en valið stóð á milli tæplega 200 mynda. „Við uppsetningu á sýningu þarf maður að reyna að ná einhverju sjónrænu út úr rýminu svo það eru myndir sem komast ekki að og ég hef þurft að henda út allskonar fólki,“ segir hann. Benni vill ekki kannast við nafngiftina ljósmyndari fræga fólksins. „Ég er meira að mynda listamenn sem ég tel marka tímann sem við lifum á en að eltast við fræga og á sýningunni eru jafnframt myndir af grasrótarlistamönnum.“ Fjölskylda hans flutti til Akureyrar fyrir tveimur árum og flýgur hann á milli. „Ég er svona Akureyri París, Akureyri London.“ Nú síðast vann hann auglýsingar fyrir bresku sjónvarpsstöðina Channel 4 í júlí. „Ég átti líka að vera þar á morgun en það var ekki hægt,“ sagði hann í gær og játar að mikil spenna fylgi starfinu. „Já, það er mótorinn í þessu.“ hallfridur@frettabladid.is Menning Mest lesið Íslensk fyrirsæta slær í gegn á tískupöllum Mílanó Tíska og hönnun Veisla fyrir augu og eyru Gagnrýni Var á klóinu þegar skilaboðin bárust og hélt að ferlinum væri lokið Lífið „Ég er mjög hrædd um að einhver ræni mér“ Lífið Kristrún meðal hundrað rísandi stjarna Time Lífið Kláraði lögfræði meðan hún sat fyrir hjá Dior Tíska og hönnun Herra skepna sló Hafþór utan undir Lífið Ekki er allt gull sem glóir Gagnrýni Leið yfir hana umkringd nöktum konum Lífið Hnetukjúklingurinn hennar Höllu Lífið Fleiri fréttir Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira
„Ég byrjaði í kringum "98 að mynda fræga listamenn og hef verið mikið við það síðan,“ segir Bernharð Valsson, eða Benni Valsson líkt og flestir þekkja hann. Hann hefur myndað margar stórstjörnur undanfarin fimmtán ár og opnar sína fyrstu alvöru sýningu á Íslandi á morgun í Ketilhúsinu á Akureyri. 57 myndir af leikurum og tónlistarmönnum prýða veggi sýningarinnar og á meðal þeirra eru Leonardo DiCaprio, Naomi Watts, Robbie Williams, Patti Smith og Bruce Willis. Björk er eini íslenski listamaðurinn á sýningunni. „Ég vann mikið með henni eftir útgáfu plötunar Post um 1995 og fór með henni á tónleikaferðalag og við gerðum tískuþátt fyrir franskt tímarit,“ segir Benni sem hefur unnið töluvert með Björk í gegnum tíðina. „Það eiga að vera fjórar myndir af henni en það er ein að fljúga frá París núna. Það er spurning hvort hún lendi fyrir opnunina,“ segir hann hress. Benni hefur myndað mikið fyrir frönsk tímarit og þá aðallega tísku- eða portrettmyndir en hann hefur verið búsettur í París frá 1985. „Ég hef unnið fyrir blöð eins og GQ, franska Elle og dagblöðin Le monde og Liberation,“ segir hann og stiklar á stóru. Margar ljósmyndir sýningarinnar tók hann fyrir franska kvikmynda- og tónlistartímaritið Les inrocks. Þar á meðal af Leonardo Di Caprio, Ben Stiller og Pete Doherty. „Ég hef einnig unnið töluvert fyrir breska Esquire og tók myndir af Daniel Craig og Justin Timberlake fyrir þá,“ segir hann. Hvorug myndanna komust inn á sýninguna en valið stóð á milli tæplega 200 mynda. „Við uppsetningu á sýningu þarf maður að reyna að ná einhverju sjónrænu út úr rýminu svo það eru myndir sem komast ekki að og ég hef þurft að henda út allskonar fólki,“ segir hann. Benni vill ekki kannast við nafngiftina ljósmyndari fræga fólksins. „Ég er meira að mynda listamenn sem ég tel marka tímann sem við lifum á en að eltast við fræga og á sýningunni eru jafnframt myndir af grasrótarlistamönnum.“ Fjölskylda hans flutti til Akureyrar fyrir tveimur árum og flýgur hann á milli. „Ég er svona Akureyri París, Akureyri London.“ Nú síðast vann hann auglýsingar fyrir bresku sjónvarpsstöðina Channel 4 í júlí. „Ég átti líka að vera þar á morgun en það var ekki hægt,“ sagði hann í gær og játar að mikil spenna fylgi starfinu. „Já, það er mótorinn í þessu.“ hallfridur@frettabladid.is
Menning Mest lesið Íslensk fyrirsæta slær í gegn á tískupöllum Mílanó Tíska og hönnun Veisla fyrir augu og eyru Gagnrýni Var á klóinu þegar skilaboðin bárust og hélt að ferlinum væri lokið Lífið „Ég er mjög hrædd um að einhver ræni mér“ Lífið Kristrún meðal hundrað rísandi stjarna Time Lífið Kláraði lögfræði meðan hún sat fyrir hjá Dior Tíska og hönnun Herra skepna sló Hafþór utan undir Lífið Ekki er allt gull sem glóir Gagnrýni Leið yfir hana umkringd nöktum konum Lífið Hnetukjúklingurinn hennar Höllu Lífið Fleiri fréttir Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira