Framkonur stöðvuðu sigurgöngu Vals - myndir

Framkonur eru deildarbikarmeistarar kvenna í handbolta 2012 eftir fjögurra marka sigur á Íslands- og bikarmeisturum Vals í kvöld, 28-24.

Valsliðið átti möguleika að vinna sinn fimmta titil á árinu 2012 með sigri og gat ennfremur unnið Fram í úrslitaleik deildarbikarsins þriðja árið í röð.

„Þetta var rosalega gaman að ná loksins sigri og fá titil í Safamýrina. Það var kominn tími á annan lit en silfur um hálsinn," sagði Framkonan Ásta Birna Gunnarsdóttir eftir leik en hún skoraði átta mörk í leiknum.

Stefán Karlsson, ljósmyndari Fréttablaðsins og Vísis, var á leiknum í Laugardalshöllinni í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.