Njarðvík vann í framlengingu | Úrslit dagsins

Fjölnir fór illa að ráði sínu þegar að liðið tapaði fyrir Íslands- og bikarmeisturum Njarðvíkur á útivelli, 95-94, í framlengdum leik.

Fjölnir komst á vítalínuna þegar tvær sekúndur voru eftir en Bergdís Ragnarsdóttir klikkaði á báðum vítaköstunum.

Njarðvík tryggði sér framlengingu með þriggja stiga körfu í blálok fjórða leikhluta. Sara Dögg Margeirsdóttir setti skotið mikilvæga niður á ögurstundu en þetta voru hennar einu stig í leiknum.

Mikið jafnræði var með liðunum allan leikinn en liðin skiptust ellefu sinnum á að vera í forystu í leiknum. Fjölnir var þó með tíu stiga forystu þegar fjórði leikhluti hófst en Njarðvík svaraði fyrir sig með 12-2 spretti á rúmlega tveggja mínútna kafla.

Kanarnir áttu stórleik í báðum liðum. Hjá Njarðvík var Lele Hardy með 44 stig, 22 fráköst, átta stolna bolta og fimm stoðsendingar. Britney Jones var með þrefalda tvennu fyrir Fjölni - 46 stig, þrettán fráköst og tólf stoðsendingar.

Bergdís átti líka góðan leik fyrir Fjölni en hún var með nítján stig og fjórtán fráköst.

Grindavík vann svo góðan sigur á KR, 80-60, í fyrsta leik Guðmundar Bragasonar með liðið. Þá vann Snæfell risastóran sigur á Val, 88-54, og svaraði þar með fyrir tapið gegn KR í síðustu umferð.

Keflavík vann Hauka og er enn með fullt hús stiga á toppi deildarinnar en Snæfell er í öðru sæti með tólf stig. Valur og KR koma næst með tíu stig.

Í neðri hluta deildarinnar eru Njarðvíkingar í fimmta sætinu með sex stig - Haukar og Grindavík eru með fjögur og Fjölnir í neðsta sætinu með tvö stig.

Úrslit dagsins:

Grindavík-KR 80-60 (27-6, 19-16, 15-23, 19-15)

Grindavík: Crystal Smith 24/6 fráköst/7 stolnir, Petrúnella Skúladóttir 20/13 fráköst/7 stoðsendingar/5 stolnir, Helga Rut Hallgrímsdóttir 20/14 fráköst, Ingibjörg Yrsa Ellertsdóttir 8, Jóhanna Rún Styrmisdóttir 4, Berglind Anna Magnúsdóttir 2, Harpa Rakel Hallgrímsdóttir 2/4 fráköst.

KR: Björg Guðrún Einarsdóttir 14/4 fráköst, Hafrún Hálfdánardóttir 13/7 fráköst, Sigrún Sjöfn Ámundadóttir 12/10 fráköst, Guðrún Gróa Þorsteinsdóttir 10/6 fráköst, Patechia Hartman 8/6 fráköst/5 stoðsendingar, Anna María Ævarsdóttir 3/4 fráköst.

Keflavík-Haukar 82-68 (19-6, 22-19, 20-22, 21-21)

Keflavík: Pálína Gunnlaugsdóttir 19/7 fráköst, Ingunn Embla Kristínardóttir 15/8 fráköst/6 stoðsendingar, Sara Rún Hinriksdóttir 15/11 fráköst/4 varin skot, Bryndís Guðmundsdóttir 10/6 fráköst, Birna Ingibjörg Valgarðsdóttir 10/4 fráköst, Sandra Lind Þrastardóttir 10/5 fráköst, Jessica Ann Jenkins 3.

Haukar: Siarre Evans 25/22 fráköst, Gunnhildur Gunnarsdóttir 22/4 fráköst, Dagbjört Samúelsdóttir 8, Margrét Rósa Hálfdanardóttir 5/4 fráköst, Lovísa Björt Henningsdóttir 4, Auður Íris Ólafsdóttir 4.

Njarðvík-Fjölnir 95-94 (28-26, 20-22, 13-21, 26-18, 8-7)

Njarðvík: Lele Hardy 44/22 fráköst/5 stoðsendingar/8 stolnir, Eyrún Líf Sigurðardóttir 17, Salbjörg Sævarsdóttir 16/12 fráköst/4 varin skot, Guðlaug Björt Júlíusdóttir 9/4 fráköst/8 stoðsendingar, Erna Hákonardóttir 3, Ásdís Vala Freysdóttir 3/4 fráköst, Sara Dögg Margeirsdóttir 3.

Fjölnir: Britney Jones 46/13 fráköst/12 stoðsendingar, Bergdís Ragnarsdóttir 19/14 fráköst, Hrund Jóhannsdóttir 15/7 fráköst, Fanney Lind Guðmundsdóttir 10/6 fráköst, Heiðrún Harpa Ríkharðsdóttir 3/4 fráköst, Eva María Emilsdóttir 1, Hugrún Eva Valdimarsdóttir 0/4 fráköst.

Snæfell-Valur 88-54 (32-16, 26-13, 12-16, 18-9)

Snæfell: Hildur Sigurðardóttir 23/10 fráköst/7 stoðsendingar, Helga Hjördís Björgvinsdóttir 19, Kieraah Marlow 16/16 fráköst/5 stoðsendingar, Alda Leif Jónsdóttir 9/7 fráköst/6 stoðsendingar/3 varin skot, Hildur Björg Kjartansdóttir 9/8 fráköst, Rósa Indriðadóttir 7/5 stoðsendingar, Ellen Alfa Högnadóttir 5/5 fráköst.

Valur: Alberta Auguste 18/6 fráköst, Guðbjörg Sverrisdóttir 10/5 fráköst, Unnur Lára Ásgeirsdóttir 9, Kristrún Sigurjónsdóttir 9/6 fráköst, Ragnheiður Benónísdóttir 4, Þórunn Bjarnadóttir 2.