Íslensk tónlist verðlaunuð

Skráning er hafin til þátttöku í Íslensku tónlistarverðlaununum vegna verka ársins 2012. Áhugasamir geta sent inn tillögur á síðunni Tonlist.is og verða tilnefningarnar kynntar á Degi íslenskrar tónlistar 30. nóvember. Um er að ræða verk gefin út á tímabilinu 30. nóvember 2011 til 15. nóvember á þessu ári. Afhending verðlaunanna fer fram í Hörpu í febrúar á næsta ári. Mugison sópaði til sín verðlaunum síðast þegar Íslensku tónlistarverðlaunin voru afhent og var ótvíræður sigurvegari kvöldsins. -fb