Við endamarkið: Kimi Raikkönen hafði sigur í Abu Dhabi

Halldóra Matthíasdóttir og Rúnar Jónsson fóru yfir frábæran sigur Kimi Raikkönen í Abu Dhabi kappakstrinum. Fernando Alonso náði öðru sæti og minnkaði forystu Sebastian Vettel á toppnum í tíu stig.

Lewis Hamilton ræsti fyrstur en vélabilun sá til þess að Bretanum tókst ekki að ljúka keppni. Þá varð hörkuárekstur þegar Nico Rosberg ók Mercedes-bíl sínum yfir HRT-bíl Narain Karthikeyan. Báðir ökumenn sluppu með skrekkinn.

Allt það helsta úr kappakstrinum má sjá í þættinum Við endamarkið en hægt er að horfa á hann í spilaranum hér fyrir ofan.