Datt af stól vegna Péturs

Pétur Jóhann Sigfússon var einn fjölmargra veislugesta í fertugsafmæli Guðmundar Steingrímssonar þingmanns sem haldið var í Víkinni um helgina.

Dagur B. Eggertsson, borgarfulltrúi og vinur Guðmundar, bað Pétur um að fara með gamanmál í veislunni, en hann og Guðmundur eru æskuvinir.

Pétri tókst svo vel upp í ræðu-listinni að kona sem sat úti í sal bókstaflega rúllaði um koll af hlátri og endaði á gólfinu.

Guðmundur steig einnig á svið og tók lagið með einhverjum af gömlu hljómsveitunum sínum, meðal annars Ske, við mikinn fögnuð viðstaddra.

Árni Páll Árnason þingmaður, Ágústa Eva Erlendsdóttir, söng- og leikkona, og Heiða Kristín Helgadóttir, stjórnarformaður Bjartrar framtíðar, voru einnig meðal gesta.

- fb, - sv