Hamilton ekur betur en nokkru sinni

McLaren-ökuþórinn Lewis Hamilton segist nú aka betur en nokkru sinni þó úrslit hans úr síðustu mótum sýni það ekki. Bíllinn hefur bilað hjá Hamilton í síðustu mótum og haldið aftur af honum.

Hamilton vann yfirburðasigur á Monza-brautinni á Ítalíu í september en hefur síðan þá þurft að sætta sig við gírkassabilun í Singapúr og bilun í fjöðrun í Japan og Kóreu.

"Mér finnst eins og að undanfarið sé ég að aka betur en nokkru sinni - jafnvel þó úrslitin gefi annað til kynna," sagði Hamilton. "Svo ég fer til Indlands tvíelfdur."

"Ég held við séum með bíl sem er fljótur um brautina í Indlandi svo ég get ekki beðið eftir fyrstu æfingunni á föstudaginn."

Næst verður keppt á Indlandi um næstu helgi og aðeins í annað skiptið þar. Kappaksturinn var góður í fyrra, brautin er hröð og flæðandi með mörgum snúnum beygjum og enn fleiri góðum stöðum til framúraksturs.

Hamilton á aðeins tölfræðilega möguleika á því að vinna heimsmeistaratitilinn úr þessu enda eru Fernando Alonso og Sebastian Vettel með nokkurt forskot á keppinautana. McLaren-bílinn er þó talinn vera næst fljótasti bílinn á ráslínunni, á eftir Red Bull-bíl Vettels og Webber.