Leik Rayo Vallecano og Real Madrid frestað

Viðureign Rayo Vallecano og Real Madrid í 5. umferð spænsku úrvalsdeildarinnar hefur verið frestað til morguns. Slökknaði á flóðljósum þegar skammt var til leiks og ljóst að ekki verður hægt að koma þeim í gang svo leikurinn geti verið leikinn í kvöld.

Leikurinn er síðasti leikur fimmtu umferðar en ekki er vitað á þessari stundu hvort sé um bilun eða skemmdarverk að ræða.

Real Madrid er í 16 sæti, þremur stigum á eftir Rayo Vallecano, sem er í sjöunda sæti, eftir vandræðagang í upphafi leiktíðar. Real Madrid þarf nú að bíða í sólarhring í viðbót a.m.k. eftir öðrum sigri sínum á tímabilinu.