Vettel sigurvegari í Singapúr en Hamilton í vandræðum

Þýski heimsmeistarinn Sebastian Vettel á Red Bull-bíl vann Formúlu 1 kappaksturinn í Singapúr í dag. Kappaksturinn var gríðarleg vonbrigði fyrir Lewis Hamilton á McLaren-bíl en lenti í vandræðum með gírkassann og þurfti að draga sig í hlé.

Hamilton hafði leitt kappaksturinn af ráspól en þegar kappaksturinn var tæplega hálfnaður fór gírkassinn í mask. Hamilton er því fallinn í fjórða sætið í heimsmeistarakeppni ökuþóra. Fyrir mótið var hann í öðru sæti á eftir Fernando Alonso.

Jenson Button, liðsfélgi Hamilton hjá McLaren, kláraði móti í öðru sæti á undan Alonso á Ferrari. Williams-ökuþórinn Pastor Maldonado varð að hætta keppni þegar bilun kom upp í bílnum um miðbik keppninnar. Hann var í góðri stöðu þegar það gerðist og hefði jafnvel átt möguleika á verðlaunasæti.

Paul di Resta hjá Force India lauk mótinu í fjórða sæti á undan Nico Rosberg á Mercedes-bíl. Lotus-ökuþórarnir tvær, Kimi Raikkönen og Romain Grosjean, luku mótinu í sjötta og sjöunda sæti og sóttu mikilvæg stig fyrir liðið.

Felipe Massa á Ferrari ók vel og kláraði í áttunda sæti eftir að hafa barist við Daniel Ricciardo á Torro Rosso og Mark Webber á Red Bull. Sá síðastnefndi sótti síðasta stigið sem í boði var.

Michael Schumacher var í vandræðum í Mercedes-bílnum og ók klaufalega aftan á Torro Rosso-bíl Jean-Eric Vergne með þeim afleiðingum að báðir þurftu að ljúka keppni.Jenson Button var nærri búinn að eyðileggja kappaksturinn fyrir sig og Vettel en rétt náði að afstýra slysi um miðbik keppninnar.

Fernando Alonso er enn efstur í stigakeppni ökumanna með 194 stig. Sebastian Vettel hefur skellt sér í annað sætið og er með 165 stig, 29 stigum á eftir Alonso. Kimi Raikkönen er enn þriðji, nú með 149 stig. Lewis Hamilton er fallinn í fjórða sæti með 142 stig.

Í hverju móti eru að hámarki 25 stig í boði. Aðeins sex mót eru eftir af tímabilinu og að hámarki 150 stig. Tímabilið er því ekki nærri því búið.

Næst verður keppt á Suzuka í Japan þar sem Jenson Button hafði gríðarlega yfirburði í fyrra. Kappaksturinn fer fram 7. október.

Úrslit keppninnar í Singapúr

	Ökuþór	Bíll / Vél	Hringir
1	Sebastian Vettel	Red Bull/Renault	59
2	Jenson Button	McLaren/Mercedes	59
3	Fernando Alonso	Ferrari	59
4	Paul Di Resta	Force India/Mercedes	59
5	Nico Rosberg	Mercedes	59
6	Kimi Räikkönen	Lotus/Renault	59
7	Romain Grosjean	Lotus/Renault	59
8	Felipe Massa	Ferrari	59
9	Daniel Ricciardo	Toro Rosso/Ferrari	59
10	Mark Webber	Red Bull/Renault	59
11	Sergio Pérez	Sauber/Ferrari	59
12	Timo Glock	Marussia/Cosworth	59
13	Kamui Kobayashi	Sauber/Ferrari	59
14	Nico Hülkenberg	Force India/Mercedes	59
15	H.Kovalainen	Caterham/Renault	59
16	Charles Pic	Marussia/Cosworth	59
17	Pedro de la Rosa	HRT/Cosworth	58
18	Bruno Senna	Williams/Renault	57
19	Vitaly Petrov	Caterham/Renault	57
7	M.Schumacher	Mercedes	38
17	Jean-Eric Vergne	Toro Rosso/Ferrari	38
18	Pastor Maldonado	Williams/Renault	36
23	N.Karthikeyan	HRT/Cosworth	30
4	Lewis Hamilton	McLaren/Mercedes	22

Titilbarátta ökumanna

	Ökumaður	Stig
1	Fernando Alonso	194
2	Sebastian Vettel	165
3	Kimi Räikkönen	149
4	Lewis Hamilton	142
5	Mark Webber	133
6	Jenson Button	119
7	Nico Rosberg	93
8	Romain Grosjean	82
9	Sergio Pérez	65
10	Felipe Massa	51
11	Paul Di Resta	44
12	M.Schumacher	43
13	Kamui Kobayashi	35
14	Nico Hülkenberg	31
15	Pastor Maldonado	29
16	Bruno Senna	25
17	Jean-Eric Vergne	8
18	Daniel Ricciardo	6
19	Timo Glock	0
20	H.Kovalainen	0
21	Vitaly Petrov	0
22	J.D'Ambrosio	0
23	Charles Pic	0
24	N.Karthikeyan	0
25	Pedro de la Rosa	0

Titilbarátta bílasmiða

	Lið	Stig
1	Red Bull/Renault	298
2	McLaren/Mercedes	261
3	Ferrari	245
4	Lotus/Renault	231
5	Mercedes	136
6	Sauber/Ferrari	100
7	Force India/Mercedes	75
8	Williams/Renault	54
9	Toro Rosso/Ferrari	14
10	Marussia/Cosworth	0
11	Caterham/Renault	0
12	HRT/Cosworth	0