Barcelona vill bjóða Xavi nýjan samning

Ivan Corretja, umboðsmaður Xavi hjá Barcelona, segir að félagið hafi óskað eftir viðræðum um að framlengja samning leikmannsins.

Xavi er 33 ára gamall og núverandi samningur hans rennur út eftir tvö ár. Þessi öflugi leikmaður hefur engar áætlanir um að hætta strax og vonast umboðsmaðurinn að hægt verði að ganga frá samningum sem fyrst.

Xavi er uppalinn hjá Barcelona og hefur aldrei spilað fyrir annað félag. Hann á 637 leiki að baki með liðinu og hefur skorað í þeim 75 mörk. Hann er þar að auki lykilmaður í spænska landsliðinu og hefur með þessum liðum unnið nánast allt það sem hægt er að vinna.