Senna brann á bakinu í Singapúr

Bruno Senna, ökuþór Williams-liðsins í Formúlu 1, er með brunasár á bakinu eftir kappaksturinn í Singapúr um síðustu helgi. Williams-liðið hefur staðfest að vitlausra tenginga í sæti Senna hafi orsakað brunann, ekki KERS-bilun sem kom upp í bílnum um leið.

Senna þurfti að draga sig í hlé í Singapúr vegna vélarbilunar. KERS kerfið (Kinetic Energy Recovery System) bilaði vegna lausra víra sem tengdu kerfið við bílinn.

Þegar kerfið var fyrst kynnt fyrir nokkrum árum áttu mörg lið í vandræðum með að tengja rafhlöðuna þannig að hún smitaði ekki út frá sér. Bílarnir voru í raun rafmagnaðir og hættulegt var að stíga upp úr þeim ef bilana var vart. Margir ökumenn fengu hreinlega raflost þegar þeir bjuggu sig undir að yfirgefa bílana.

Williams-liðið segist nú rannsaka báðar bilanirnar í sitthvoru lagi. Bilanirnar séu ekki skyldar eða orsök eða afleiðing hvor annarar. Senna er þó ekki mikið slasaður og mun keppa í Japan en þar fer næsti kappakstur fram.