Hróarslækur kominn yfir 100 laxa

Veiðin fór seint af stað í Hróarslæk þetta sumarið. Lítið sást af laxi fyrr en undir lok júlí mánaðar. Síðan þá hefur hins vegar ræst nokkuð úr og hafa veiðst rúmlega 100 laxar í læknum þetta sumarið. Reikna má með að lokatala sumarsins eigi eftir að hækka talsvert, enda lýkur veiðitímabilinu í Hróarslæk ekki fyrr en 10. október. Frá þessu segir á agn.is þar sem skoða má lausa daga í Hróanum.

Miklir vatnavextir voru í ánni eftir rigningarnar um og eftir helgina síðustu og áin mikið lituð. Ekki er loku fyrir það skotið að laxinn hafi nýtt tækifærið í flóðavatninu til að dreifa sér um ána. Ef það gengur eftir má reikna með líflegum haustdögum í Hróanum, alla vega þegar norðan bálinu slotar þegar líður á vikuna.

svavar@frettabladid.is