Heimsmarkaðsverð á áli hækkar verulega

Heimsmarkaðsverð á áli hefur hækkað verulega á undanförnum dögum. Verðið stendur nú í 2.175 dollurum á tonnið miðað við þriggja mánaða framvirka samninga.

Í upphafi mánaðarins var verðið hinsvegar 1.900 dollarar á tonnið þannig að það hefur hækkað um nærri 10% í september. Fyrir helgina var verðið töluvert undir 2.100 dollurum.

Hér gætir eflaust áhrifa á áformum bandaríska seðlabankans um að kaupa skuldabréf fyrir 40 milljarða dollara á mánuði í ótilgreindan tíma. Þessi áform hafa einnig valdið töluverðum hækkunum á annarri hrávöru eins og olíu, kopar og gulli.