Vinsælir sjóræningjar

Vinsælir sjóræningjar Fjölmennt var í Borgarleikhúsinu á föstudagskvöldið er leiksýningin Gulleyjan var frumsýnd á stóra sviðinu.

Kunnugleg andlit sátu í áhorfendasalnum að horfa á Björn Jörund Friðbjörnsson, Álfrúnu Örnólfsdóttur og Þórunni Clausen leika sjóræningja.

Þar mátti meðal annars sjá Hönnu Birnu Kristjánsdóttur, oddvita Sjálfstæðisflokksins í Reykjavík, Jóhann Sigurðsson leikara og Erlu Hlynsdóttur fréttakonu.

Systkinin Rakel Garðarsdóttir, framkvæmdastjóri Vesturports, og Gísli Örn Garðarsson leikari létu sig heldur ekki vanta ásamt börnum sínum enda um fjölskylduskemmtun að ræða.

-áp