Egyptaland fer fram á lán frá AGS

Mohamed Mursi, forseti Egyptalands, hefur beðið Alþjóða gjaldeyrissjóðinn (AGS) um aðstoð. Forstjóri Alþjóða gjaldeyrissjóðsins greindi frá þessu að loknum fundi með forsetanum í Kaíró í dag.

Forsetinn segist þurfa stuðning við efnahagsáætlun stjórnar sinnar vegna minnkandi ásóknar ferðamanna og lítillar erlendrar fjárfestingar. Viðræður milli Egyptalands og Alþjóða gjaldeyrissjóðsins hafa staðið yfir síðustu 18 mánuði. Enn hefur enginn samningur náðst þar sem Alþjóða gjaldeyrissjóðurinn fer fram á víðtæka pólitíska samstöðu um lánið í landinu.

Nú eru hins vegar miklar líkur á að samningur náist enda hefur Mursi myndað nýja ríkisstjórn og unnið að frekari úrbótum í landinu.

BBC greinir frá.