Brynjudalsá nálgast 100 laxa - stórlax í Víðidalsá 24. júlí 2012 13:05 John Burne heitir veiðimaðurinn sem heldur á þessum fallega laxi í Víðidalsá. Mynd / Lax-á Alls voru 84 laxar komnir á land í Brynjudalsá í gær sem þýðir að um tveir laxar hafa veiðst á stöng á dag í ánni það sem af er sumri. Á veiðivefnum agn.is segir að bestu dagarnir í sumar hafi gefið allt að ellefu laxa og að nokkuð líflegt hafi verið í ánni frá fyrsta degi. Á agn.is segir ennfremur að 50 laxar séu komnir á land í Hvannadalsá á Vestfjörðum og að á síðustu fimm dögum hafi þrettán löxum verið landað þar. Þá eru fyrstu laxarnir komnir á land í Miðdalsá í Steingrímsfirði. Einn þeirra mun hafa verið 12 punda hængur. Nokkuð af bleikju hefur einnig veiðst í Miðdalsá. Veiði í Eystri-Rangá gengur líka ágætlega en í gær höfðu 650 laxar veiðst þar. Á vefnum lax-a.is var nú í hádeginu greint frá því að í Ytri-Rangá séu tæplega 900 laxar komnir á land. Veiðin síðustu daga hefur verið á bilinu 48 til 58 laxar á dag. "Þetta eru bestu veiðitölur hingað til á þessum tíma og má segja að flestir veiðimenn snúi mjög ánægðir frá Ytri rangá þessa dagana," segir á lax-a.is. Á lax-a.is er einnig sagt frá því að í gærmorgun hafi veiðst stórlax í Víðidalsá. Ekki liggur fyrir hversu stór laxinn er en hægt er að sjá hann á myndinni sem fylgir þessari frétt. Laxinn tók Green Brahan, krók númer 14. Alls veiddust 10 laxar í Víðidalsá á morgunvaktinni í gær og samkvæmt vefnum lax-a.is er töluvert líf í ánni.trausti@frettabladid.is Stangveiði Mest lesið 15 laxar á fyrsta degi í Norðurá Veiði Laxá í Kjós: Ellefu fallegir eins árs fiskar Veiði Murtan mokveiðist í Þingvallavatni Veiði 38 á land á fyrsta degi í Langá á Mýrum Veiði Lifnar yfir veiðinni í Hlíðarvatni Veiði Risaganga í Hrútafjarðará - vatn í sögulegu lágmarki Veiði Gersemar á bókamörkuðum Veiði Maðkur er munaðarvara Veiði Langskeggur er málið Veiði Nessvæðið í Laxá líklega besta stórlaxasvæði landsins Veiði
Alls voru 84 laxar komnir á land í Brynjudalsá í gær sem þýðir að um tveir laxar hafa veiðst á stöng á dag í ánni það sem af er sumri. Á veiðivefnum agn.is segir að bestu dagarnir í sumar hafi gefið allt að ellefu laxa og að nokkuð líflegt hafi verið í ánni frá fyrsta degi. Á agn.is segir ennfremur að 50 laxar séu komnir á land í Hvannadalsá á Vestfjörðum og að á síðustu fimm dögum hafi þrettán löxum verið landað þar. Þá eru fyrstu laxarnir komnir á land í Miðdalsá í Steingrímsfirði. Einn þeirra mun hafa verið 12 punda hængur. Nokkuð af bleikju hefur einnig veiðst í Miðdalsá. Veiði í Eystri-Rangá gengur líka ágætlega en í gær höfðu 650 laxar veiðst þar. Á vefnum lax-a.is var nú í hádeginu greint frá því að í Ytri-Rangá séu tæplega 900 laxar komnir á land. Veiðin síðustu daga hefur verið á bilinu 48 til 58 laxar á dag. "Þetta eru bestu veiðitölur hingað til á þessum tíma og má segja að flestir veiðimenn snúi mjög ánægðir frá Ytri rangá þessa dagana," segir á lax-a.is. Á lax-a.is er einnig sagt frá því að í gærmorgun hafi veiðst stórlax í Víðidalsá. Ekki liggur fyrir hversu stór laxinn er en hægt er að sjá hann á myndinni sem fylgir þessari frétt. Laxinn tók Green Brahan, krók númer 14. Alls veiddust 10 laxar í Víðidalsá á morgunvaktinni í gær og samkvæmt vefnum lax-a.is er töluvert líf í ánni.trausti@frettabladid.is
Stangveiði Mest lesið 15 laxar á fyrsta degi í Norðurá Veiði Laxá í Kjós: Ellefu fallegir eins árs fiskar Veiði Murtan mokveiðist í Þingvallavatni Veiði 38 á land á fyrsta degi í Langá á Mýrum Veiði Lifnar yfir veiðinni í Hlíðarvatni Veiði Risaganga í Hrútafjarðará - vatn í sögulegu lágmarki Veiði Gersemar á bókamörkuðum Veiði Maðkur er munaðarvara Veiði Langskeggur er málið Veiði Nessvæðið í Laxá líklega besta stórlaxasvæði landsins Veiði