Microsoft kaupir Yammer fyrir 150 miljarða króna

Microsoft hefur keypt samskiptaforritið Yammer fyrir 1,2 miljarða dala sem nemur 150 miljörðum króna. Samskiptasíðan sem ætluð er sem samskiptamáti í fyrirtækjum er fjögurra ára gömul og hefur yfir 5 milljón notendur.

Forritið hjálpar fyrirtækjum að skapa eigið tenglsanet og hjálpar starfsmönnum að hafa samskipti og skiptast á gögnum á skilvirkari og hraðari máta en á vefpósti.

Fyrirtæki sem nota síðuna nú þegar eru meðal annars Ford, Shell og Unicef.

"Samskiptaforrit eru ekki bara fyrir krakka heldur geta verið gott tæki á vinnustað," segir David Sacks framkvæmdastjóri og skapari Yammer.

Sacks segir að Yammer verði innleitt í önnur forrit Microsoft eins og Office og Skype.