Formúla 1

Red Bull-bíllinn til skoðunar hjá FIA

Birgir Þór Harðarson skrifar
Á myndinni er búið að draga gulan hring utan um gatið í gólfi Red Bull-bílsins. Gatið er hugsað til að dreifa loftinu betur undir bílinn og hámarka þannig mögulegt niðurtog.
Á myndinni er búið að draga gulan hring utan um gatið í gólfi Red Bull-bílsins. Gatið er hugsað til að dreifa loftinu betur undir bílinn og hámarka þannig mögulegt niðurtog.
Alþjóða akstursíþróttasambandið (FIA) mun í vikunni reyna að komast að niðurstöðu um hvort umdeild hönnun á gólfi Red Bull-bílsins í Mónakó sé lögleg eða ekki.

Mikil umræða skapaðist um helgina helgina hvort hönnunin væri lögleg eða ekki. Gremja keppnauta Red Bull varð svo enn meiri þegar Mark Webber kom fyrstur yfir línuna í lok kappaksturins.

Umrædd hönnun er gat í gólfi Red Bull bílsins, nokkrum millimetrum fyrir framan afturdekkin tvö. Gatið er ekki stórt en svæðið er viðkvæmt og hönnunin gæti því haft þónokkur áhrif.

Í gærkvöldi tóku keppnautarnir ákvörðun um að kæra ekki útfærslu Red Bull en tóku fram hversu ósáttir þeir voru. Hönnunin hafði áður fengið grænt ljós hjá eftirlitsaðilum alþjóðasambandsins í Mónakó.

Talsmaður FIA sagði Red Bull-liðið ekki hafa verið beðið um að aðhafast neitt. "Liðin túlka reglurnar á mismunandi hátt og FIA mun reyna að skýra þær á næstu dögum."

Ekki mun koma til þess að Red Bull-bílarnir verði dæmdir úr leik í Mónakó en liðinu gæti verið gert að breyta útfærslu sinni fyrir næsta mót. Það fer fram í Kanada eftir tvær vikur.

Formúla

Mest lesið


Fleiri fréttir

Sjá meira


×

Mest lesið