Casillas: Ég vil verða þjálfari eins og Mourinho

Spænski markvörðurinn Iker Casillas hjá Real Madrid er afar hrifinn af þjálfaranum sínum, José Mourinho, og vill verða eins og hann ef hann ákveður að fara út í þjálfun.

"Ef ég mætti velja að líkjast einum þjálfara þá myndi ég velja Mourinho ef ég á annað borð verð þjálfari," sagði Casillas sem á sér margar fyrirmyndir í knattspyrnuheiminum.

"Það væri gaman að hitta Pelé og Maradona sem og Beckenbauer. Það væri virkilega gaman að setjast niður með þeim og hlusta á sögurnar þeirra. Þessir menn hafa upplifað ýmislegt."

Casillas verður í eldlínunni með Real Madrid annað kvöld er liðið sækir Barcelona heim.