Mozilla kynnir snjallsíma í vetur

Mozilla, framleiðandi Firefox vafrans, mun opinbera snjallsíma seinna á þessu ári sem knúinn verður af sérhönnuðu stýrikerfi fyrirtækisins. Stýrikerfið er kallað „Gecko" og er ætlað að fara í beina samkeppni við Android-stýrikerfið.

Í fyrstu verður stýrikerfið aðeins fáanlegt í Brasilíu en fer í almenna dreifingu snemma á næsta ári.

Samkvæmt Mozilla munu notendur „Gecko" hafa algjöra stjórn yfir stýrikerfinu - hvaða forrit snjallsíminn notar og hvernig hann vinnur með upplýsingar.

Þetta er í takt við áherslur Mozilla en markmið Firefox vafrans var að bjóða upp á algjört gagnsæi milli notenda, hönnuða og viðmóts.

Stýrikerfið byggir að stórum hluta til á HTML5 ívafsmálinu og er áhersla lögð á netnotkun í stað smáforrita.