Sveinn valinn bestur í umferðum 15-21 í N1-deild karla

Haukamaðurinn Sveinn Þorgeirsson var nú í hádeginu valinn besti leikmaður umferða 15-21 í N1-deild karla. Sveinn var einnig valinn besti varnarmaðurinn.

Haukamenn voru farsælir í kjörinu en Aron Kristjánsson var valinn besti þjálfarinn og svo eru þrír leikmenn liðsins í úrvalsliðinu.

Akureyri fékk enn og aftur verðlaun fyrir bestu umgjörðina og svo voru Ingvar Guðjónsson og Jónas Elíasson valdir bestu dómararnir.

Úrvalslið umferða 15-21:

Markvörður: Aron Rafn Eðvarðsson, Haukar

Vinstra horn: Bjarki Már Elísson, HK

Vinstri skytta: Stefán Rafn Sigurmannsson, Haukar

Miðjumaður: Ólafur Bjarki Ragnarsson, HK

Hægri skytta: Ólafur Gústafsson, FH

Hægra horn: Bjarni Fritzson, Akureyri

Línumaður: Heimir Óli Heimisson, Haukar