Ingi Þór fagnaði sigrinum með einum Boxmaster

Ingi Þór Steinþórsson, þjálfari Snæfells, var kampakátur eftir sigur sinna manna á deildarmeisturum Grindavíkur í kvöld. Snæfell tryggði sig inn í úrslitakeppnina með sigrinum.

Hínn síkáti þjálfari Hólmara er mikill sælkeri og honum þykir fátt betra en að hesthúsa einum Boxmaster frá KFC. Það er í sérstöku uppáhaldi.

Hann óskaði eftir því fyrir ári síðan að fá slíka sendingu til Grindavíkur og blaðamaður Vísis ákvað að verða við þeirri bón í ár og bauð upp á Boxmaster þar sem Snæfell hafði tilefni til að fagna.

Þjálfarinn tók glaður á móti gjöfinni og naut hennar líklega meira en Grindavík naut þess að lyfta bikarnum eftir tapleik. Það þótti þeim ekki gaman.

Ingi var aftur á móti í banastuði og hvarf upp í rútu sæll, glaður og saddur.