Jenson Button vann ástralska kappaksturinn

Jenson Button, á McLaren bíl, fór með sigur af hólmi í ástralska kappakstrinum í dag. Heimsmeistarinn Sebastian Vettel á Red Bull varð annar eftir að hafa ræst í sjötta sæti á ráslínunni.

Liðsfélagi Button hjá McLaren, Lewis Hamilton, sem ræsti fremstur í mótinu í dag og endaði þriðji. Roman Grosjean ræsti þriðji en náði ekki að ljúka mótinu í Lotus bíl sínum.

Síðasti hringurinn í mótinu reyndist dramatískur: Nico Rosberg á Mercedes sem virtist eiga stigasæti víst lenti í vandræðum og krækti ekki í stigin mikilvægu. Paul di Resta á Force India krækti í síðasta sigasætið með því að taka fram úr Jean-Eric Vergne á Toro Rosso eftir síðustu beygju í mótinu.

Kimi Raikkönen á Lotus krækti í sjöunda sætið eftir lélega tímatöku í gær. Fernando Alonso sótti sjötta sætið en var undir mikilli pressu frá Pastor Maldonado á Williams bíl þar til Maldonado missti stjórn á bílnum og eyðilagði hann í síðasta hring.

"Hver sigur er mikilvægur," sagði Button eftir mótið. "Þetta sýnir bara hversu mikilvægt er að eiga góðan vetur í Formúlunni. Við höfum átt góðan vetur í ár og byrjum með góðan bíl."

Vettel var ánægður með sína frammistöðu og sagðist jafnvel hafa átt möguleika á sigri hefði öryggisbílinn ekki komið út í seinni hluta mótsins.