Haukar féllu í DHL-höllinni | Úrslit kvöldsins í körfunni

Haukar féllu úr Iceland Express deild karla í kvöld þegar liðið tapaði með sex stigum á móti KR í DHL-höllinni, 98-92 en sigurinn var mjög mikilvægur Vesturbæjarliðinu í baráttunni um annað sæti deildarinnar.

KR og Stjarnan eru áfram jöfn að stigum eftir sigur Stjörnunnar á Fjölni í Garðabænum í kvöld en KR-ingar eru með betri árangur í innbyrðisviðureignum.

Haukar eru nú fjórum stigum á eftir ÍR og Fjölni þegar Hafnfirðingar eiga aðeins einn leik eftir. Haukaliðið á því ekki lengur möguleika á því að bjarga sér og er fallið í 1. deild ásamt botnliði Vals.

KR-ingar voru lengstum með nokkra yfirburði á móti Haukum í kvöld. KR var 24-15 yfir eftir fyrsta leikhlutann og með 50-41 forystu í hálfleik. KR náði mest 17 stiga forystu í þriðja leikhlutanum en Haukar komu muninum niður í eitt stig, 83-82, þegar þrjár mínútur voru eftir. KR-ingar voru síðan sterkari á endaspretinum og unnu lokamínútur leiksins 15-10 og þar með leikinn 98-92.

Joshua Brown skoraði 28 stig fyrir KR og Dejan Sencanski var með 19 stig. Christopher Smith var með 34 stig hjá Haukum og Alik Joseph-Pauline bætti við 29 stigum, 7 fráköstum og 6 stoðsendingum.



Úrslit og stigaskor í Iceland Express deild karla í kvöld:



Stjarnan-Fjölnir 82-74 (24-23, 20-14, 17-19, 21-18)

Stjarnan: Keith Cothran 17/4 fráköst, Fannar Freyr Helgason 13/8 fráköst, Renato Lindmets 12/4 fráköst, Marvin Valdimarsson 12/9 fráköst, Jovan Zdravevski 8, Justin Shouse 7/8 fráköst/10 stoðsendingar, Guðjón Lárusson 6/4 fráköst, Dagur Kár Jónsson 6, Magnús Bjarki Guðmundsson 1. .

Fjölnir: Nathan Walkup 27/6 fráköst, Calvin O'Neal 16/8 fráköst/8 stoðsendingar, Arnþór Freyr Guðmundsson 12/5 fráköst/6 stoðsendingar, Jón Sverrisson 9/7 fráköst, Björgvin Hafþór Ríkharðsson 5, Hjalti Vilhjálmsson 3, Trausti Eiríksson 2.



Snæfell-Tindastóll 89-80 (20-17, 25-22, 16-22, 28-19)

Snæfell: Marquis Sheldon Hall 32, Jón Ólafur Jónsson 20/11 fráköst, Quincy Hankins-Cole 15/14 fráköst, Pálmi Freyr Sigurgeirsson 12, Sveinn Arnar Davidsson 7/7 fráköst, Hafþór Ingi Gunnarsson 2, Ólafur Torfason 1/4 fráköst..

Tindastóll: Curtis Allen 28/7 fráköst/7 stolnir, Maurice Miller 20, Helgi Freyr Margeirsson 7, Hreinn Gunnar Birgisson 6/4 fráköst, Helgi Rafn Viggósson 6/9 fráköst, Þröstur Leó Jóhannsson 6, Igor Tratnik 4/9 fráköst, Friðrik Hreinsson 3.



KR-Haukar 98-92 (24-15, 26-26, 28-24, 20-27)

KR: Joshua Brown 28/5 fráköst/5 stoðsendingar, Dejan Sencanski 19, Robert Lavon Ferguson 13/8 fráköst, Emil Þór Jóhannsson 13, Hreggviður Magnússon 12, Finnur Atli Magnusson 6/8 fráköst, Björn Kristjánsson 5, Martin Hermannsson 2.

Haukar: Christopher Smith 34/6 fráköst, Alik Joseph-Pauline 29/7 fráköst/6 stoðsendingar, Haukur Óskarsson 11, Emil Barja 7/6 fráköst, Helgi Björn Einarsson 7, Guðmundur Kári Sævarsson 2, Andri Freysson 2.