Segir Grikkland fara lóðrétt á hausinn ef áætluninni verður hafnað

Um sex þúsund manns mótmæla í Aþenu í Grikklandi á sama tíma og gríska þingið tekst á um aðgerðaráætlun um mikinn niðurskurð ríkisútgjalda til þess að Grikkland geti fengið 130 milljarða evra neyðarlán frá Evrópusambandinu og Alþjóðagjaldeyrissjóðnum.

Óeirðarlögreglan skaut táragasi að mótmælendum í fyrr í dag.

Forsætisráðherra Grikklands, Lucas Papademos, sagði við grísku þjóðina í sjónvarpsávarpi í gærkvöldi að lífsstíll þjóðarinnar myndi breytast með afgerandi hætti yrði umdeild neyðaraðgerðaráætlun um mikinn niðurskurð ekki samþykkt.

Fjármálaráðherra landsins, Evangelos Venizelos, sagði á þinginu í dag að ef aðgerðaráætlunin verður ekki samþykkt muni landið fara lóðrétt á hausinn.

Kappkostað er við að komast að samkomulagi um áætlunina fyrir morgundaginn, þegar viðskiptamarkaðir opna á ný. Þannig sagði fjármálaráðherrann að viðskiptamarkaðir yrðu að fá skýr skilaboð um að Grikkland muni lifa kreppuna af.