Ofveiði á fiskistofnum kostar ESB 500 milljarða á ári

Ofveiði á fiskistofnum undan ströndum Evrópusambandsins er talin kosta sambandið yfir 500 milljarða króna á ári og ein 100.000 störf.

Þetta eru niðurstöður umfangsmikillar rannsóknar sem unnin var af bresku stofnuninni New Economics Foundation. Þar kemur fram að ef helstu veiðistofnum í Evrópu yrði leyft að vaxa upp í sjálfbærar stærðir myndi það hafa í för með sér aflaaukningu upp á 3,5 milljónir tonna á ári. Slíkt magn er nægilegt til að mæta þörfum 160 milljóna Evrópubúa.

Stofnunin segir að í stað þess að einbeita sér að þessu markmiði geri sjávarútvegsráðherrar ESB ekki annað, en að þurrka út milljónir tonna af fiski og þúsundir starfa í sjávarútvegi á hverju ári með pennastrikum sínum. Fiskistofnanir eru að hruni komnir vegna ofveiði.

Rannsóknin sýnir fram á að ef þeim 42 aðalnytjastofnum sem veiddir eru undan ströndum Evrópu væri leyft að ná eðlilegri stærð yrði ávinningurinn af slíkur gífurlegur, ekki bara í tekjum heldur einnig störfum. Raunar segir New Economics Foundation að ávinningurinn mældur í evrum yrði á við fimmfalda núverandi ríkisaðstoð Evrópusambandsins til sjávarútvegsins innan sambandsins.