Hlynur: Gott að losna við öskrin í Óskari

Hlynur Morthens, markvörður Vals, sló á létta strengi eftir flottan sigur hans manna á toppliði Hauka í N1-deild karla í kvöld.

Óskar Bjarni Óskarsson, þjálfari Vals, er einnig aðstoðarþjálfari íslenska landsliðsins og var því fjarverandi í janúar á meðan EM í Serbíu fór fram. Heimir Ríkarðsson aðstoðarþjálfari sá um æfingar á meðan. Var svona gott að losna við kallinn?

„Það er alltaf gott að losna við öskrin í honum en þá tekur Heimir reyndar bara við. Að öllu gríni slepptu var þetta fínt frí sem við nýttum vel. Við ætlum í úrslitakeppnina og þá þurfum við að vinna bestu liðin eins og við gerðum í dag," sagði Hlynur en viðtal við hann og fleiri sem og umfjöllun um leikinn má lesa hér fyrir neðan.