Helga Margrét Þorsteinsdóttir sjöþrautarkona úr Ármanni setti í dag nýtt og glæsilegt Íslandsmet í fimmtarþraut þegar hún fékk 4298 stig á alþjóðlegu móti í Tallinn í Eistlandi. Helga Margrét bætti sitt eigið Íslandsmet um 93 strig.
Helga Margrét endaði í öðru sætinu á mótinu á eftir lettneskri stelpu en hún bar hinsvegar sigurorð af Idu Marcussen frá Noregi sem fékk 4.256 stig en á best 4.283 stig í fimmtraþraut.
Árangur Helgu í dag er besti árangur á Norðurlöndum á þessu ári og jafnframt ellefti besti árangur ársins. Hún endaði daginn á frábæru 800 metra hlaupi eftir að hafa byrjað illa í 60 metra grindarhlaupi.
„Það sem er áhugavert við þetta er að Helga er að bæta Íslandsmetið í greininni þrátt fyrir tvær slæmar greinar í dag, 60 metra grindahlaup og langstökk. Hástökkið og kúlan voru fín og 800 metra hlaupið var mjög gott. Það er því hægt að búast við mun meiru fljótlega í næstu þraut hjá Helgu ef hún nær að sýna jafnari árangur í greinunum," segir Vésteinn Hafsteinsson í fréttatilkynningu.
Helga Margrét með besta árangurinn á Norðurlöndum í ár
Óskar Ófeigur Jónsson skrifar

Mest lesið

Blikar mættu með málningarpenslana í garðinn hjá Gylfa
Íslenski boltinn

„Sorgardagur fyrir Manchester City“
Enski boltinn

Bræður berjast og fjölskyldumeðlimir velja á milli
Íslenski boltinn



Enskir fjölmiðlar segja Chelsea hafa brotið reglur UEFA
Enski boltinn

„Sé þá ekki vinna í ár“
Íslenski boltinn


Segja að Valur hafi boðið meira en tvær milljónir í Úlfu Dís
Íslenski boltinn

Fær ekki að dæma vegna samskiptaörðugleika
Körfubolti
Fleiri fréttir
