Rosberg fljótastur en heimsmeistarinn þriðji

Nico Rosberg á Mercedes bíl síðasta árs var fljótastur á þriðja degi æfinga á Jerez-brautinni á Spáni í dag. Rosberg er liðsfélagi Michaels Schumachers sem ekkert fékk að aka í dag eftir að hafa verið fljótastur í gær á sama bíl.

Franski nýliðinn Roman Grosjean var fljótastur í 2012 árgerð af Lotus-bíl í dag, á undan heimsmeistaranum Sebastian Vettel á nýjum Red Bull. Aðeins 0,167 sekúntur skildu hann og Lewis Hamilton að en Lewis og Vettel fengu að prófa nýja McLaren og Red Bull bíla í fyrsta sinn. Þó ekki sé rétt að lesa of mikið í tíma á æfingum má gera ráð fyrir að þeir erkifjendur standi jafnfætis í byrjun árs.

Fernando Alonso fékk að spreyta sig á nýjum Ferrari bíl en blandaði sér þó ekkert í toppbaráttuna. Gríðarlegur fjöldi hringja var ekinn á Jerez og því má gera ráð fyrir að liðin hafi einbeint sér að áræðaleika bílana og dekkjunum.

Ekki tóku öll liðin þátt í dag því Force India, Marussia og HRT sátu hjá. Miklar væntingar eru gerðar til franska nýliðans Jean Eric Vergne hjá Torro Rosso. Sá er jafnvel talinn vera framtíðar heimsmeistari. Vergne sótti 5. sæti í dag á undan Mexíkóanum Sergio Perez á Sauber. Þá var Alonso sjöundi, Bruno Senna á Williams áttundi og þriðji ökumaður Caterham Giedo van der Garde síðastur.

Síðasti dagur fyrstu æfingalotu ársins fer fram á Jerez-brautinni á morgun.