Morðóðir aðdáendur

Aðdáendur Justins Bieber eru æfir út í Mariuh Yeater, stúlkuna sem heldur því fram að söngvarinn hafi getið barn með sér og hefur óskað eftir faðernisprófi til að sanna mál sitt.

Aðdáendur söngvarans kalla sig Beliebers og eru nú um 14 milljón talsins. Flestir aðdáendurnir eru unglingsstúlkur og standa þær dyggan vörð um hag og heilsu átrúnaðargoðsins.

Mariuh Yeater hafa borist ófáar líflátshótanir í gegnum samskiptavefinn Twitter, þar sem Belieber-stúlkur hóta henni öllu illu dragi hún sig ekki í hlé. Ein Twitter-skilaboðin sögðu: „Þvílík tæfa þessi Mariah Yeater. Ekki aðeins hefur hún gert á hlut Justins, hún særði líka Selenu. Ég ætla að drepa þig, ég vara þig við.“