Vináttuleikur í Úkraínu í dag

Undirbúningur U-21 landsliðs Íslands fyrir EM í Danmörku heldur áfram í dag er strákarnir mæta Úkraínu ytra klukkan 17.30.

Margir af lykilmönnum liðsins úr undankeppninni eru þó ekki með í dag þar sem þeir voru valdir í A-landsliðið sem mætir Kýpur í undankeppni EM 2012 á laugardaginn.

Ísland heldur svo næst til Englands þar sem þeir mæta heimamönnum á mánudagskvöldið. Ekki er útilokað að Eyjólfur muni endurheimta einhverja leikmenn úr A-liðinu fyrir þann leik.