Toyota dregur úr hagnaðarspám

Japanski bifreiða- og vélaframleiðandinn Toyota hefur dregið úr væntingum um hagnað með yfirlýsingu um að hann verði að líkindum helmingi minni en áætlað var. Einkum er það vegna áhrifa af flóðunum í Tælandi á framleiðslu í landinu.

Árið 2011 hefur verið afar erfitt fyrir Toyota þegar kemur að framleiðslu. Um 40% af framleiðslu fyrirtækisins stöðvaðist vegna jarðskjálftanna í Japan fyrr á árinu, og þá fór varahlutaframleiðsla í Tælandi illa vegna flóða þar á haustmánuðum.

Þrátt fyrir þetta er hagnaður áætlaður 2,3 milljarðar dollara eða sem nemur rúmlega 260 milljörðum króna.