Þekktur danskur lögmaður ákærður fyrir peningaþvætti

Hinn rúmlega sextugi danski lögmaður Jeffery Galmond hefur verið ákærður í Þýskalandi fyrir peningaþvætti. Upphæðin sem um ræðir samsvarar 17 milljörðum króna en þetta fé vaskaði Galmond fyrir Leonid Reiman fyrrum símamálaráðherra Rússlands í gegnum ýmis skúffufyrirtæki víða um heiminn.

Ákæran í Þýskalandi er niðurstaða rannsóknar á vegum þýsku lögreglunnar undanfarin sex ár. Málið er sótt í Þýskalandi vegna tengla Commerzbank við peningaþvættið.

Í nýrri bók Ingimars Ingimarssonar er Galmond sagður hafa verið lögmaður Björgólfs Thors Björgólfssonar í Pétursborg um miðjan síðasta áratug síðustu aldar. Blaðið Börsen hefur einnig nefnt Björgólf Thor sem viðskiptavin Galmonds.

Sjálfur hefur Björgólfur Thor svarið af sér öll tengsl við Galmond en segist hafa átt viðskipti við lögmannsstofu hans.

Fari svo að Galmond verði fundinn sekur í þessu máli á hann yfir höfði sér allt að 10 ára fangelsi.