Rosberg framlengdi samning sinn við Mercedes liðið

Nico Rosberg hefur framlengt samning sinn við Mercedes Formúlu 1 liðið og í frétt á autosport.com segir að umræða hafi verið um það síðustu mánuði að hann færi til Ferrari í framtíðinni, en nú er ljóst að hann hefur framlengt samning sinn við Mercedes til loka 2013 í það minnsta. Í fréttatilkynningu frá Mercedes er rætt um samning sem nær til loka 2013 og framyfir þann tíma, sem gæti þýtt að hann eigi val á að vinna lengur með Mercedes samkvæmt frétt autosport.com.

 

Rosberg byrjaði að keppa með Mercedes ásamt Michael Schumacher í fyrra og Schumacher er með samning við Mercedes á næsta ári.

 

„Ég er mjög spenntur að hafa framlengt samning minn Við Mercedes. Að sigra á Silfur Ör (Mercedes) verður einn af hápunktum lífs míns og ég mun með glöðu geði hjálpa að leiða lið okkar í þeirri viðleitni að verða bestir í Formúlu 1. Ég hef fulla trú á að liðið muni færa mér sigurbíl og að við munum geta bætt við frábæra arfleiðf Silfur Örvanna. Ég hlakka til frábærra tíma sem eru framundan á næstu árum með Mercedes-Benz fjölskyldunni," sagði Rosberg um samninginn.