Omnis opnar í Reykjavík

Í dag, hinn 11. nóvember 2011 opnar Omnis ehf.  tölvuverslun og tölvuverkstæði í Ármúla 11. Omnis er á sínu 10. starfsári en fyrirtækið hefur undanfarin ár rekið verslanir á þremur stöðum á landsbyggðinni, í Borgarnesi, á Akranesi og í Keflavík.  

Eggert Herbertsson framkvæmdastjóri Omnis ehf. segir það mikla, en eðlilega áskorun að opna verslun í höfuðborginni. „Við höfum öðlast mikla reynslu í tölvuverslun og hún mun nýtast okkur vel á nýjum stað“.

Í versluninni verða í boði á einum stað tölvur frá öllum bestu framleiðendum á þessu sviði, sem ekki er algengt í Reykjavík. „Kröfuharðir kaupendur á höfuðborgarsvæðinu hafa , þótt ótrúlegt megi virðast,  þurft að fara í margar verslanir til þess að kynna sér það besta sem í boði er en með opnun verslunar okkar í Ármúlanum er það liðin tíð. Við munum vega og meta alla kosti með viðskiptavinum og veita hverjum og einum ráðgjöf um hvað hentar best hverju sinni.“

Í nýju versluninni verður hægt að bera saman epli og appelsínur, ef svo má segja, því ekki einungis verður boðið upp á stærstu PC merkin, heldur verða Apple vörur einnig í boði, að því er segir í tilkynningu frá Omnis.