Ragna og Ásdís fengu hálfa milljón - úthlutun úr Afrekskvennasjóði Óskar Ófeigur Jónsson skrifar 3. nóvember 2011 19:00 Fjórar íþróttakonur og tvö sérsambönd fengu styrk í dag þegar tilkynnt var um áttundu úthlutun úr afrekskvennasjóði Íslandsbanka og ÍSÍ. Frjálsíþróttakonan Ásdís Hjálmsdóttir og badmintonkonan Ragna Björg Ingólfsdóttir fengu báðar hálfa milljón og danskonurnar Hanna Rún Óladóttir og Sara Rós Jakobsdóttir fengu báðar 250 þúsund krónur. Sundsamband Íslands og Handknattleikssamband Íslands fengu síðan bæði eina milljón í styrk, Sundsambandið vegna verkefna afrekskvennahóps SSÍ en Handknattleikssambandið vegna lokakeppni HM sem fer fram í Brasilíu 3. – 18. desember næstkomandi. Afrekskvennasjóður Íslandsbanka og ÍSÍ var stofnaður með framlagi bankans árið 2007. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Stjórn sjóðsins skipa þær Svafa Grönfeldt, Vanda Sigurgeirsdóttir og Þórdís Gísladóttir. Umsóknir um styrk voru að þessu sinni 50 talsins.Áttunda úthlutun úr Afrekskvennasjóði Íslandsbanka og ÍSÍReykjavík 3. nóvember 2011.Hanna Rún Óladóttir danskona, 250.000. Hanna Rún sem keppir fyrir Dansíþróttafélag Kópavogs hefur unnið Íslandsmeistaratitil 15 ár í röð og alls 24 á þeim árum. Dansherra hennar er Sigurður Þór Sigurðsson. Á árinu unnu þau sér keppnisrétt á Heimsbikar, Evrópu og Heimsmeistaramótum í latin dönsum. Náðu þau 16. sæti á EM í Frakklandi sem er besti árangur sem íslenskt danspar hefur náð á þessu móti. Á HM í Singapore í september komust þau í aðra umferð og enduðu í 25. sæti.Sara Rós Jakobsdóttir danskona, 250.000 vegna undirbúnings og þátttöku á Heimsbikar-, Evrópu-, og Heimsmeistaramótum á árinu. Sara Rós og dansherra hennar Sigurður Már Atlason hafa dansað saman í 11 ár, keppa þau fyrir Dansíþróttafélag Hafnarfjarðar. Hafa þau þegar keppt á um 40 mótum erlendis. Síðastliðin þrjú ár hafa þau hlotið útnefningu sem danspar ársins hjá Dansíþróttasambandi Íslands. Á HM í standard dönsum sem fram fóru í Moskvu um síðustu helgi komust Sara Rós og Sigurður Már í aðra umferð og enduðu í 47. sæti.Ásdís Hjálmsdóttir frjálsíþróttakona, 500.000 vegna undirbúnings þátttöku á Ólympíuleikunum í London á komandi ári. Ásdís sem keppir fyrir Ármann hefur þegar náð lágmarki á leikana í spjótkasti. Á síðasta Evrópumeistaramóti komst Ásdís í úrslit þar sem hún endaði í 10 sæti. Á HM sem fram fór í Daegu í Kóreu í ágúst var Ásdís hársbreidd frá því að komast í úrslit þegar hún endaði í 13 sæti. Framundan eru stífar æfingar og keppni sem miða að því að undirbúa Ásdísi sem best og auka líkur á því að hún nái takmarki sínu um að komast í úrslit á Ólympíuleikunum í London 2012.Ragna Björg Ingólfsdóttir badmintonkona úr TBR, 500.000 vegna keppni á mótum á komandi mánuðum með það að markmiði að tryggja sér þátttökurétt á ÓL í London 2012. Frá september og út apríl keppir Ragna á 14 alþjóðlegum mótum. Heimslistinn sem gefinn er út 3. maí 2012 gildir þegar keppnisréttur á Ólympíuleikana er ákveðinn. Skiptir því máli að standa sem best að vígi þá. Á heimslistanum er Ragna sem stendur í 75. sæti. Ragna er stödd í Þýskalandi þar sem hún tekur þátt í alþjóðlegu móti, á hún leik í annarri umferð mótsins í dag.Sundsamband Íslands, 1.000.000 vegna verkefna afrekskvennahóps SSÍ. Sundkonur úr hópnum kepptu á HM í Shanghai í Kína í ágúst s.l. Nú framundan er barátta kvennanna við að tryggja sér þátttökurétt á ÓL í London á næsta ári. Vegna breyttra reglna um þátttökurétt sundfólks á Ólympíuleikum er óvissa um hversu margar sundkonur ná að tryggja sér þátttökurétt á komandi Ólympíuleikum. Eru sundkonurnar á faraldsfæti við æfingar og keppni á komandi mánuðum. Af næstu mótum má meðal annars nefna NM unglinga og EM í 25 m. laug sem fram fara á þessu ári. Í hópnum eru þær Hrafnhildur Lúthersdóttir, Eygló Ósk Gústafsdóttir, Ragnheiður Ragnarsdóttir, Erla Dögg Haraldsdóttir og Ingibjörg Kristín Jónsdóttir.Handknattleikssamband Íslands, 1.000.000 vegna lokakeppni HM sem fer fram í Brasilíu 3. – 18. desember n.k. Íslenska kvennalandsliðið tók þátt í úrslitakeppni EM 2010 í fyrsta skipti. Þar hafnaði liðið í 15. sæti. Í ár náði liðið að fylgja árangrinum eftir og tryggja sér þátttökurétt á lokamót HM fyrst íslenskra kvennaliða í hópíþrótt. Tókst það með því að sigra lið Úkraínu í tveimur umspilsleikjum um laust sæti á mótinu. Framundan eru tveir æfingaleikir við Tékka hér heima 25. – 26. nóvember sem er liður í lokaundirbúningi liðsins fyrir HM. Innlendar Mest lesið Kemur dómaranefnd til varnar og hnýtir í Jón og tvíburana Körfubolti Arftaki Heimis fundinn: „Alltaf áhætta að gera breytingar“ Íslenski boltinn Svona var fundur KSÍ þegar Arnar tilkynnti landsliðshópinn Fótbolti Segir Liverpool ekki spila eins og topplið: Spila körfubolta en ekki fótbolta Enski boltinn Orri, Jóhann og Gylfi ekki með en Aron valinn Fótbolti Arnar: Aðrir leikmenn framar en Jóhann Fótbolti Kaupa einn frægasta leikvang heims til þess að rífa hann Fótbolti Drama í sænska landsliðinu: „Hann hefur svikið liðsfélaga sína“ Fótbolti „Mjög súr og dapur þegar hann hringdi í mig“ Fótbolti Sjáðu kinnhestinn sem felldi Liverpool og þrennu Mbappe Fótbolti Fleiri fréttir Stórleikur Hauks dugði ekki til sigurs Elín Klara markahæst hjá toppliðinu Monaco - Man. City | Haaland og félagar í furstadæminu Arsenal - Olympiacos | Grísk heimsókn á Emirates Barcelona - PSG | Stórleikur í Katalóníu Keflavík - Valur | Hörkuleikur í Blue-höllinni Íslendingaliðið í undanúrslit Stólarnir sóttu sigur til Slóvakíu í fyrsta leik Stjarnan - FH 3-4 | FH endurheimti annað sætið Öruggt hjá Skjórunum en óvíst hver skoraði Verður sá síðasti í sögunni til að spila í treyju númer sex Arftaki Heimis fundinn: „Alltaf áhætta að gera breytingar“ Jón vísar ummælum Rögnvaldar til föðurhúsanna „Mjög súr og dapur þegar hann hringdi í mig“ Erfitt að yfirgefa Þrótt en starfið hjá KSÍ of spennandi til að hafna því Tilfinningaþrungin stund eftir hörmungar síðustu ára Arnar: Aðrir leikmenn framar en Jóhann Orri, Jóhann og Gylfi ekki með en Aron valinn Svona var fundur KSÍ þegar Arnar tilkynnti landsliðshópinn Drama í sænska landsliðinu: „Hann hefur svikið liðsfélaga sína“ Haukur með flestar stoðsendingar í Þýskalandi Kaupa einn frægasta leikvang heims til þess að rífa hann Barcelona verður ekki refsað þótt þeir kaupi ekki Rashford Kemur dómaranefnd til varnar og hnýtir í Jón og tvíburana Var Vinícius Júnior kallaður api eða kjáni? Sjáðu kinnhestinn sem felldi Liverpool og þrennu Mbappe Svaf í tuttugu tíma á dag eftir slysið Segir Liverpool ekki spila eins og topplið: Spila körfubolta en ekki fótbolta Vilja ekki að merki þeirra sé á búningum Ísraelsliðsins Craig Pedersen heldur áfram með íslenska landsliðið Sjá meira
Fjórar íþróttakonur og tvö sérsambönd fengu styrk í dag þegar tilkynnt var um áttundu úthlutun úr afrekskvennasjóði Íslandsbanka og ÍSÍ. Frjálsíþróttakonan Ásdís Hjálmsdóttir og badmintonkonan Ragna Björg Ingólfsdóttir fengu báðar hálfa milljón og danskonurnar Hanna Rún Óladóttir og Sara Rós Jakobsdóttir fengu báðar 250 þúsund krónur. Sundsamband Íslands og Handknattleikssamband Íslands fengu síðan bæði eina milljón í styrk, Sundsambandið vegna verkefna afrekskvennahóps SSÍ en Handknattleikssambandið vegna lokakeppni HM sem fer fram í Brasilíu 3. – 18. desember næstkomandi. Afrekskvennasjóður Íslandsbanka og ÍSÍ var stofnaður með framlagi bankans árið 2007. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Stjórn sjóðsins skipa þær Svafa Grönfeldt, Vanda Sigurgeirsdóttir og Þórdís Gísladóttir. Umsóknir um styrk voru að þessu sinni 50 talsins.Áttunda úthlutun úr Afrekskvennasjóði Íslandsbanka og ÍSÍReykjavík 3. nóvember 2011.Hanna Rún Óladóttir danskona, 250.000. Hanna Rún sem keppir fyrir Dansíþróttafélag Kópavogs hefur unnið Íslandsmeistaratitil 15 ár í röð og alls 24 á þeim árum. Dansherra hennar er Sigurður Þór Sigurðsson. Á árinu unnu þau sér keppnisrétt á Heimsbikar, Evrópu og Heimsmeistaramótum í latin dönsum. Náðu þau 16. sæti á EM í Frakklandi sem er besti árangur sem íslenskt danspar hefur náð á þessu móti. Á HM í Singapore í september komust þau í aðra umferð og enduðu í 25. sæti.Sara Rós Jakobsdóttir danskona, 250.000 vegna undirbúnings og þátttöku á Heimsbikar-, Evrópu-, og Heimsmeistaramótum á árinu. Sara Rós og dansherra hennar Sigurður Már Atlason hafa dansað saman í 11 ár, keppa þau fyrir Dansíþróttafélag Hafnarfjarðar. Hafa þau þegar keppt á um 40 mótum erlendis. Síðastliðin þrjú ár hafa þau hlotið útnefningu sem danspar ársins hjá Dansíþróttasambandi Íslands. Á HM í standard dönsum sem fram fóru í Moskvu um síðustu helgi komust Sara Rós og Sigurður Már í aðra umferð og enduðu í 47. sæti.Ásdís Hjálmsdóttir frjálsíþróttakona, 500.000 vegna undirbúnings þátttöku á Ólympíuleikunum í London á komandi ári. Ásdís sem keppir fyrir Ármann hefur þegar náð lágmarki á leikana í spjótkasti. Á síðasta Evrópumeistaramóti komst Ásdís í úrslit þar sem hún endaði í 10 sæti. Á HM sem fram fór í Daegu í Kóreu í ágúst var Ásdís hársbreidd frá því að komast í úrslit þegar hún endaði í 13 sæti. Framundan eru stífar æfingar og keppni sem miða að því að undirbúa Ásdísi sem best og auka líkur á því að hún nái takmarki sínu um að komast í úrslit á Ólympíuleikunum í London 2012.Ragna Björg Ingólfsdóttir badmintonkona úr TBR, 500.000 vegna keppni á mótum á komandi mánuðum með það að markmiði að tryggja sér þátttökurétt á ÓL í London 2012. Frá september og út apríl keppir Ragna á 14 alþjóðlegum mótum. Heimslistinn sem gefinn er út 3. maí 2012 gildir þegar keppnisréttur á Ólympíuleikana er ákveðinn. Skiptir því máli að standa sem best að vígi þá. Á heimslistanum er Ragna sem stendur í 75. sæti. Ragna er stödd í Þýskalandi þar sem hún tekur þátt í alþjóðlegu móti, á hún leik í annarri umferð mótsins í dag.Sundsamband Íslands, 1.000.000 vegna verkefna afrekskvennahóps SSÍ. Sundkonur úr hópnum kepptu á HM í Shanghai í Kína í ágúst s.l. Nú framundan er barátta kvennanna við að tryggja sér þátttökurétt á ÓL í London á næsta ári. Vegna breyttra reglna um þátttökurétt sundfólks á Ólympíuleikum er óvissa um hversu margar sundkonur ná að tryggja sér þátttökurétt á komandi Ólympíuleikum. Eru sundkonurnar á faraldsfæti við æfingar og keppni á komandi mánuðum. Af næstu mótum má meðal annars nefna NM unglinga og EM í 25 m. laug sem fram fara á þessu ári. Í hópnum eru þær Hrafnhildur Lúthersdóttir, Eygló Ósk Gústafsdóttir, Ragnheiður Ragnarsdóttir, Erla Dögg Haraldsdóttir og Ingibjörg Kristín Jónsdóttir.Handknattleikssamband Íslands, 1.000.000 vegna lokakeppni HM sem fer fram í Brasilíu 3. – 18. desember n.k. Íslenska kvennalandsliðið tók þátt í úrslitakeppni EM 2010 í fyrsta skipti. Þar hafnaði liðið í 15. sæti. Í ár náði liðið að fylgja árangrinum eftir og tryggja sér þátttökurétt á lokamót HM fyrst íslenskra kvennaliða í hópíþrótt. Tókst það með því að sigra lið Úkraínu í tveimur umspilsleikjum um laust sæti á mótinu. Framundan eru tveir æfingaleikir við Tékka hér heima 25. – 26. nóvember sem er liður í lokaundirbúningi liðsins fyrir HM.
Innlendar Mest lesið Kemur dómaranefnd til varnar og hnýtir í Jón og tvíburana Körfubolti Arftaki Heimis fundinn: „Alltaf áhætta að gera breytingar“ Íslenski boltinn Svona var fundur KSÍ þegar Arnar tilkynnti landsliðshópinn Fótbolti Segir Liverpool ekki spila eins og topplið: Spila körfubolta en ekki fótbolta Enski boltinn Orri, Jóhann og Gylfi ekki með en Aron valinn Fótbolti Arnar: Aðrir leikmenn framar en Jóhann Fótbolti Kaupa einn frægasta leikvang heims til þess að rífa hann Fótbolti Drama í sænska landsliðinu: „Hann hefur svikið liðsfélaga sína“ Fótbolti „Mjög súr og dapur þegar hann hringdi í mig“ Fótbolti Sjáðu kinnhestinn sem felldi Liverpool og þrennu Mbappe Fótbolti Fleiri fréttir Stórleikur Hauks dugði ekki til sigurs Elín Klara markahæst hjá toppliðinu Monaco - Man. City | Haaland og félagar í furstadæminu Arsenal - Olympiacos | Grísk heimsókn á Emirates Barcelona - PSG | Stórleikur í Katalóníu Keflavík - Valur | Hörkuleikur í Blue-höllinni Íslendingaliðið í undanúrslit Stólarnir sóttu sigur til Slóvakíu í fyrsta leik Stjarnan - FH 3-4 | FH endurheimti annað sætið Öruggt hjá Skjórunum en óvíst hver skoraði Verður sá síðasti í sögunni til að spila í treyju númer sex Arftaki Heimis fundinn: „Alltaf áhætta að gera breytingar“ Jón vísar ummælum Rögnvaldar til föðurhúsanna „Mjög súr og dapur þegar hann hringdi í mig“ Erfitt að yfirgefa Þrótt en starfið hjá KSÍ of spennandi til að hafna því Tilfinningaþrungin stund eftir hörmungar síðustu ára Arnar: Aðrir leikmenn framar en Jóhann Orri, Jóhann og Gylfi ekki með en Aron valinn Svona var fundur KSÍ þegar Arnar tilkynnti landsliðshópinn Drama í sænska landsliðinu: „Hann hefur svikið liðsfélaga sína“ Haukur með flestar stoðsendingar í Þýskalandi Kaupa einn frægasta leikvang heims til þess að rífa hann Barcelona verður ekki refsað þótt þeir kaupi ekki Rashford Kemur dómaranefnd til varnar og hnýtir í Jón og tvíburana Var Vinícius Júnior kallaður api eða kjáni? Sjáðu kinnhestinn sem felldi Liverpool og þrennu Mbappe Svaf í tuttugu tíma á dag eftir slysið Segir Liverpool ekki spila eins og topplið: Spila körfubolta en ekki fótbolta Vilja ekki að merki þeirra sé á búningum Ísraelsliðsins Craig Pedersen heldur áfram með íslenska landsliðið Sjá meira