Green Bay óstöðvandi - gengur ekkert hjá Eagles

Meistarar Green Bay Packers eru hreinlega óstöðvandi í NFL-deildinni. Liðið vann sinn fimmta leik í röð í nótt og litlu breytti þó liðið hefði lent 14-0 undir. Það vann samt, 25-14.

Eftir fimm vikur eru flestir á því að Packers sé með besta liðið í deildinni. Packers er búið að vinna alla leiki sína og leikstjórnandinn Aaron Rodgers er í ótrúlega góðu formi. Hann átti enn einn stórleikinn í nótt og kláraði meðal annars sendingar á tólf mismunandi samherja. Það er jöfnun á félagsmeti og fáheyrður árangur.

Draumalið Philadelphia Eagles er ekki að standa sig eins vel og tapaði enn og aftur í gær. Liðið hefur nú aðeins unnið enn leik en tapað fjórum.

Packers er eina liðið sem hefur unnið alla fimm leiki sína í deildinni en Detroit Lions getur jafnað þann árangur með sigri á Chicago Bears í nótt.

Sá leikur er í beinni útsendingu á ESPN America sem hægt er að sjá a´Digital Ísland.

Úrslit gærdagsins:

Buffalo-Philadelphia 31-24

Carolina-New Orleans 27-30

Houston-Oakland 20-25

Indianapolis-Kansas City 24-28

Jacksonville-Cincinnati 20-30

Minnesota-Arizona 34-10

NY Giants-Seattle 25-36

Pittsburgh-Tennessee 38-17

San Francisco-Tampa Bay 48-3

Denver-San Diego 24-29

New England-NY Jets 30-21

Atlanta-Green Bay 14-25