Hamilton sá við Vettel og Webber í tímatökunni

Formúlu 1 ökumaðurinn Lewis Hamilton á McLaren verður fremstur á ráslínu á kappakstursbrautinni í Yenogam í Suður Kóreu á aðfaranótt sunnudags. Hamilton náði besta tíma í tímatökunni fyrir keppnina.

Meistarinn tvöfaldi, Sebastain Vettel á McLaren náði næst besta tíma, en Jenson Button á McLaren varð þriðji í tímatökunni og Mark Webber á Red Bull fjórði.

Fram að tímatökunni í Suður Kóreu höfðu ökumenn Red Bull náð besta tíma í öllum tímatökum ársins, en Hamilton sló þá útaf laginu í þetta skiptið.

Red Bull getur tryggt sér meistaratitil bílasmiða á sunnudag, ef liðið nær jafnmörgum stigum og McLaren í mótinu, en fjögur mót eru eftir á keppnistímabilini. Vettel er þegar orðinn heimsmeistari ökumanna, en fjórir ökumenn eru í baráttu um annað sætið í stigamóti ökumanna.

Þetta eru þeir Hamilton, Button, Webber og Fernando Alonso á Ferrari sem er sjötti á ráslínu á morgun, en Felipe Massa á Ferrari er á undan honum.

Bein útsending verður frá kappakstrinum í Suður Kóreu kl. 05.30 á aðfaranótt sunnudags í opinni dagskrá á Stöð 2 Sport, en mótið verður endursýnt kl. 11.30 á sunnudag.

Tímarnir af autosport.com

 1.  Lewis Hamilton        McLaren-Mercedes     1m35.820s

 2.  Sebastian Vettel      Red Bull-Renault     1m36.042s  + 0.222

 3.  Jenson Button         McLaren-Mercedes     1m36.126s  + 0.306

 4.  Mark Webber           Red Bull-Renault     1m36.468s  + 0.648

 5.  Felipe Massa          Ferrari              1m36.831s  + 1.011

 6.  Fernando Alonso       Ferrari              1m36.980s  + 1.160

 7.  Nico Rosberg          Mercedes             1m37.754s  + 1.934

 8.  Vitaly Petrov         Renault              1m38.124s  + 2.304

 9.  Paul di Resta         Force India-Mercedes engin tími

10.  Adrian Sutil          Force India-Mercedes engin tími

11.  Jaime Alguersuari     Toro Rosso-Ferrari   1m38.315s   + 1.789

12.  Michael Schumacher    Mercedes             1m38.354s   + 1.828

13.  Sebastien Buemi       Toro Rosso-Ferrari   1m38.508s   + 1.982

14.  Kamui Kobayashi       Sauber-Ferrari       1m38.775s   + 2.249

15.  Bruno Senna           Renault              1m38.791s   + 2.265

16.  Pastor Maldonado      Williams-Cosworth    1m39.189s   + 2.663

17.  Sergio Perez          Sauber-Ferrari       1m39.443s   + 2.917

18.  Rubens Barrichello    Williams-Cosworth    1m39.538s   + 2.013

19.  Heikki Kovalainen     Lotus-Renault        1m40.522s   + 2.997

20.  Jarno Trulli          Lotus-Renault        1m41.101s   + 3.576

21.  Timo Glock            Virgin-Cosworth      1m42.091s   + 4.566

22.  Jerome D'Ambrosio     Virgin-Cosworth      1m43.483s   + 5.958

23.  Tonio Liuzzi          HRT-Cosworth         1m43.758s   + 6.233

24.  Daniel Ricciardo      HRT-Cosworth         engin tími