Nadal: Djokovic er að spila ótrúlega vel

Spánverjinn Rafael Nadal var nokkuð ánægður með frammistöðu sína gegn Novak Djokovic í úrslitaviðureigninni á opna bandaríska meistaramótinu í gær.

Nadal tapaði fyrir Djokovic í úrslitum opna bandaríska meistaramótsins í gær, en Serbinn vann einvígið 3-1.  

„Ég er að sjálfsögðu vonsvikinn með niðurstöðuna, en þessi maður er spila ótrúlegt tennis og ég óska honum til hamingju með sigurinn,“ sagði Nadal eftir úrslitin í gær.

„Það sem Djokovic hefur afrekað á þessu ári er nánast ómögulegt að endurtaka“.

„Ég reyndi mitt allra besta allan leikinn. Svona viðureignir eru svakalega erfiðar og reyna mikið á mann líkamlega og andlega, ég er alveg búinn á því“.

„Ég barðist fyrir hverjum bolta alveg til enda og er nokkuð ánægður með mína frammistöðu á mótinu“.