Pique vill verða forseti Barcelona

Spænski landsliðsmaðurinn Gerard Pique er afar hamingjusamur í herbúðum Barcelona en hann kom þangað frá Man. Utd og hefur slegið í gegn.

Pique ætlar að eiga langan feril hjá Barcelona og í kjölfarið ætlar hann að taka þátt í fótboltapólitíkinni.

"Ef ég hefði ekki orðið knattspyrnumaður þá hefði ég samt fundið mér einhvers staðar starf í hreyfingunni. Ég hef mikla ástríðu fyrir íþróttinni og mun vera viðloðandi hana er ég legg skóna á hilluna," sagði Pique.

"Ég sagði einu sinni að ég vildi vera forseti Barcelona og minn metnaður er enn sá að verða forseti félagsins síðar," sagði hinn 24 ára gamli Pique.