Mikil veiði í Stóru Laxá

Það er aldeilis góður gangur í Stóru Laxá þessa dagana. Franskir og Sænskir veiðimenn hafa verið að veiðum síðustu daga. Mokveiði hefur verið niður á svæði eitt og tvö , sumir dagar yfir 30 laxar á 4 stangirnar , svæði eitt og tvö mun vera að nálgast 300 laxa. Mikklu rólegra er á svæði þrjú og fjögur, en síðustu daga hafa þó verið að reitast inn fiskar og farið að sjást fiskur hingað og þangað bæði á svæði þrjú og fjögur. 90 prosent af veiddum laxi hefur verið sleppt aftur í ánna.

Lax er í flestum hyljum á neðri svæðunum en sérstaklega er mikill lax í  Kóngsbakka og síðustu fréttir eru þær að einn af Frönsku veiðimönnunum rölti frá Kóngsbakka niður næsta hyl sem heitir að mig minnir Stekkjarnef og lenti þar í ógnar veiði bæði í gærkveldi og í morgunn , mikið af veiðinni var stórlax. Sá Franski fullyrðir að þessi hylur sé pakkfullur af laxi , og hylurinn er 800 metra langur. Svo endilega veiðimenn sem eru að fara í Stóru Laxá ekki láta þennan hyl fara fram hjá ykkur , þetta er næsti hylur fyrir neðan Kóngsbakka.

Birt með góðfúslegu leyfi Lax-Á