Ráku Kanann sinn 37 dögum fyrir fyrsta leik

Eryk Watson mun ekki spilað með Tindastól í Iceland Express deild karla í körfubolta í vetur því stjórn körfuknattleiksdeildar Tindastóls ákvað að segja upp samningi sínum við Watson þrátt fyrir að það séu enn 37 dagar í fyrsta deildarleik liðsins. Kapinn stóð ekki undir þeim væntingum sem til hans voru gerðar.

„Eryk kom til landsins í síðustu viku og lék þrjá æfingaleiki með Tindastóli um síðustu helgi. Þar kom berlega í ljós að hann er ekki sá leikmaður sem liðinu vantar og var því samningi hans rift. Hann er þó ekki lengi atvinnulaus, því hann mun halda til Tékklands á næstu dögum þar sem nýtt lið bíður hans," segir í frétt inn á heimasíðu Tindastóls.

Eryk Watson spilaði æfingaleiki á móti Skallagrími, KR og Stjörnunni. Hinn Bandaríkjamaður liðsins, Trey Hampton, sem lék með Georgia State háskólanum og úskrifaðist þaðan 2010, er ekki kominn til landsins. Leit stendur síðan yfir af eftirmanni Eryk Watson.

Tindastóll mætir Stjörnunni á heimavelli í fyrstu umferð Iceland Express deildar karla 14. október næstkomandi.