Button elskar að keyra á Spa brautinni

Jenson Button hjá McLaren vann síðustu Formúlu 1 keppni, sem var í Ungverjalandi í lok júlí. Hann og Lewis Hamilton keppa á Spa brautinni um næstu helgi með McLaren, eftir sumarfrí keppnisliða sem var í ágúst.

„Ég elska að keyra á Spa, en hef ekki gert mikið af því undanfarið, þar sem mér var stjakað úr keppni í tveimur síðustu mótunum í Belgíu, án þess að eiga nokkra sök. Ég vonast eftir meiri heppni í ár", sagði Button í fréttatilkynningu frá McLaren.

„Það var frábært að fara í sumarfrí eftir að sigur í Ungverjalandi. Ég tel að ég hefði getað unnið það mót í þurru jafnt sem rigingu, en hafa ber slíkt í huga á Spa, þar sem það verður trúlega blautt og þurrt og allt þar á milli um mótshelgina."

Keppnislið æfa á tveimur æfingum á föstudag eins og venja er á mótshelgum, en lokaæfing og tímataka er síðan á laugardag og keppnin á sunnudag.

„Það verður markmið okkar að setja þrýsting á þá sem eru fremstir í stigamótinu, sérstaklega Red Bull. Bíll okkur lætur vel að stjórn og dekkjútgáfan í boði ætti því ekki að hafa sérstök áhrif. Við lærðum mikið um Pirelli dekkin eftir mótið í Valenica og okkur hefur vaxið ásmeginn."

Button telur ekki að notkun á stillanlegum afturvæng verði eins mikilvæg á Spá og á nokkrum öðrum brautum, sem eknar eru í ár.

„Ég er ekki enn viss hvar má nota vænginn (í keppni), en það hefur alltaf verið möguleiki að elta bíla upp Eua Rogue beygjuna og fara framúr við Les Combes. Það verður áhugavert að sjá hvort afturvængurinn muni bæta gang mála. Vonandi verður þetta enn ein góð helgin fyrir Formúlu 1", sagði Button.