ÍR hefur forystu að loknum fyrri degi 46. Bikarkeppni FRÍ sem fer í ár fram á Kópavogsvellinum. ÍR-ingar hafa unnið bikarinn undanfarin tvö ár og eiga möguleika á því að verða bikarmeistarar í tuttugasta sinn.
ÍR-ingar eru með 86 stig þegar 19 greinum er lokið af 37 eða sjö stigum meira en FH sem er í 2. sæti. Sameiginlegt lið Fjölnis og Ármanns er í 3. sætinu með 70 stig. ÍR er efst í kvennaflokki en FH er með forystu hjá strákunum.
Hafdís Sigurðardóttir og Fjóla Signý Hannesdóttir unnu báðar tvær greinar í kvöld, Hafdís vann 100 og 400 metra hlaup fyrir Norðurland og Fjóla Signý vann 400 metra grindarhlaup og hástökk fyrir HSK.
Staðan eftir fyrri dag:
1. ÍR 86,0
2. FH 79,0
3. Fjölnir/Ármann 70,0
4. HSK 58,0
5. Norðurland 54,0
6. Breiðablik 49,0
Staðan hjá körlunum eftir fyrri dag:
1. FH 47,0
2. ÍR 44,0
3. Fjölnir/Ármann 33,0
4. Breiðablik 31,0
5. Norðurland 29,0
6. HSK 25,0
Staðan hjá konunum eftir fyrri dag:
1. ÍR 42,0
2. Fjölnir/Ármann 37,0
3. HSK 33,0
4. FH 32,0
5. Norðurland 25,0
6. Breiðablik 18,0
Þessi unnu greinar kvöldsins:
Karlar
Kúluvarp: Óðinn Björn Þorsteinsson, FH 14,76 metrar
400 metra grindarhlaup: Björgvin Víkingsson, FH 55,53 sekúndur
100 metra hlaup: Óli Tómas Freysson, FH 10,98 sekúndur
3000 metra hindrunarhlaup: Þorbergur Ingi Jónsson, ÍR 10:13,08 mínútur
Stangarstökk: Bjarki Gíslason, Norðurland 4,90 metrar
400 metra hlaup: Trausti Stefánsson, FH 48,46 sekúndur
Langstökk: Kristinn Torfason, FH 7,32 metrar
Spjótkast: Guðmundur Sverrisson, ÍR 65,54 metrar
1500 metra hlaup: Kári Steinn Karlsson, Breiðabliki 3:57,22 mínútur
4 x 100 metra boðhlaup: FH 42,22 sekúndur
Konur
400 metra grindarhlaup: Fjóla Signý Hannesdóttir, HSK 60,63 sekúndur
Spjótkast: Ásdís Hjálmsdóttir, Fjölnir/Ármann 45,92 metrar
100 metra hlaup: Hafdís Sigurðardóttir, Norðurland 12,30 sekúndur
400 metra hlaup: Hafdís Sigurðardóttir, Norðurland 55,42 sekúndur
Þrístökk: Dóróthea Jóhannesdóttir, ÍR 11,47 metrar
Hástökk: Fjóla Signý Hannesdóttir, HSK 1,64 metrar
Kúluvarp: Helga Margrét Þorsteinsdóttir, Fjölnir/Ármann 12,76 metrar
1500 metra hlaup: Aníta Hinriksdóttir, ÍR 4:36,07 mínútur
4 x 100 metra boðhlaup: ÍR 48,81 sekúndur
