Eggert Gunnþór leikfær gegn Tottenham - í beinni á Stöð 2 Sport

Eggert Gunnþór Jónsson er búinn að ná sér af meiðslunum sem hann varð fyrir á móti Aberdeen í skosku úrvalsdeildinni um helgina og verður íslenski landsliðsmaðurinn því með þegar Hearts tekur á móti Tottenham í forkeppni Evrópudeildarinnar í kvöld.

Eggert Gunnþór fékk högg á brjóstkassann og varð að fara af velli í þessum 3-0 sigri Hearts á Aberdeen. Eggert hefur hinsvegar harkað af sér og er klár í slaginn í kvöld.  

Leikurinn hefst klukkan 18.45 ím kvöld og verður í beinni útsendingu á Stöð 2 Sport. Útsendingin hefst klukkan 18.35.

Til stóð að sýna leik AEK Aþenu og Dimao en hann stendur ekki lengur til boða. Eiður Smári Guðjohnsen mun þar spila sinn fyrsta alvöru leik fyrir gríska liðið.